Deicibeil
| Cineál | logarithmic unit (en)  agus SI-accepted non-SI unit (en)  |
|---|---|
| Aonad de | logarithmic quantity (en) agus sound pressure level (en) |
| Carachtar Unicode | ㏈ |
| Eapainm | Alexander Graham Bell |
| Tiontuithe aonad | |
| In aonaid caighdeánacha | 0.1 B |
Aonad ina dtomhaistear leibhéal déine fuaime is ea deicibeil. Scála logartamach is ea é seachas dearbhscála. Is brúthonn í fuaim, ina dtarlaíonn buaiceanna brú is loig brú i ndiaidh a chéile de réir mar a fhorleathann an fhuaim tríd an aer. De ghnáth tomhaistear leibhéal déine nó glóraí fuaime nó torainn i ndeicibeilí. Is é 0 dB tairseach aireachtála na cluaise, agus is deacair fuaimeanna níos lú ná 10 dB a chloisint, ach is pianmhar fuaimeanna níos mó ná 120 dB. Bíonn timpeall 60 dB i ngnáthchomhrá, agus timpeall 100 dB i gcoirm raic-cheoil.[1] Léiríonn an tábla seo na luachanna a bhíonn ag fuaimeanna éagsúla:
| istoíche faoin tuath | 20 dB |
| cogar | 30 dB |
| gnáthchómhrá | 60 dB |
| i ngluaisteán atá ar siúl | 80 dB |
| saotharlann innealra | 100 dB |
| gar d'aerdhruilire | 120 dB |
| gar do scairdinneall | 140 dB |
Tagairtí
[cuir in eagar | athraigh foinse]- ↑ Hussey, Matt (2011). "Deicibeil". Fréamh an Eolais. Coiscéim. p. 201.
 | Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
 | Is síol faoin bhfisic é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |