Dólás go Sólás

Ón Vicipéid, an chiclipéid shaor.
Jump to navigation Jump to search
Teach Pieta i mBaile Átha Cliath

Is gníomhaíocht tiomsaithe airgid é an tsiúlóid “Dólás go Sólás”, a bhíonn ar siúl i mí na Bealtaine gach bliain in Eirinn. Téann an t-airgead a bhailítear ón imeacht chuig an gcarthanas Pieta House.[1]

Tugann Teach Pieta comhairle do dhaoine a deir go bhfuil smaointe féinmharaithe nó féindochair acu. An príomhaidhm atá ag Dólás go Sólás ná aird na ndaoine a tharraingt ar an eagraíocht agus ar a raison d'être.[2] 

Eagraíocht[cuir in eagar | athraigh foinse]

Is imeacht siombalach é Dólás go Sólás don eagraíocht. Ag a ceathair a chlog ar maidin, bíonn sé fós dorcha taobh amuigh agus faoin am a mbíonn sé críochnaithe bíonn sé geal.

Tá lucht na heagraíochta agiarraidh a léiriú gurb é an ról atá acu ná cabhrú le daoine atá ag streachailt agus ag smaoineamh faoi fhéindochar, daoine atá sa ‘dorchadas’ Cabhraíonn siad le daoine teacht amach as an dorchadas sin tagann siad amach go dtí an solas.

Is é an t-imeacht Dólás go Sólás an phríomhghníomhaíocht tiomsaithe airgid a bhíonn ag Teach Pieta le linn na bliana.

Stair[cuir in eagar | athraigh foinse]

Joan Freeman, buanaitheoir

Thosaigh an tsiúlóid sa bhliain 2009 nuair a chas 400 duine le chéile ag 4.15rn agus shiúil nó rith siad cúig chiliméadar.

Sa dara bliain den ócáid, bhí siúlóidí i mBaile Átha Cliath agus i Luimneach. Sa tríú bliain bhí imeachtaí ar siúl ar fud na tíre; i gCorcaigh, Contae an Chláir, Luimneach, Gaillimh agus Ciarraí.  Sa bhliain 2015, bhí Dólás go Sólás ar siúl in 80 ionad timpeall an domhain, i dTuaisceart Éireann agus imeachtaí ar siúl acu thar lear; sna Stáit Aontaithe, Ceanada, Sasana agus fiú san Astráil.

Féach freisin[cuir in eagar | athraigh foinse]

Tagairtí[cuir in eagar | athraigh foinse]

  1. Irish Independent (2015). "DÓLÁS GO SÓLÁS ANOIS AR FUD AN DOMHAIN". www.pressreader.com. Dáta rochtana: 2020-05-09.
  2. TG4 (2017). "Féindochar | Self-Harm | BLOC, féinmharú" (in ga). Aliceː agallamh. Retrieved on 2020.