Corn FIFA an Domhain 1930

Corn FIFA an Domhain 1930
Cineál	Corn Sacair an Domhain
Ina bhfuil	1930 FIFA World Cup Group 1 (en) , 1930 FIFA World Cup Group 2 (en) , 1930 FIFA World Cup Group 3 (en) , 1930 FIFA World Cup Group 4 (en) agus 1930 FIFA World Cup knockout stage (en)
Spórt	sacar
Eagraí	FIFA
Bunaitheoir(í)	1930 FIFA World Cup Group 1 (en) ; 1930 FIFA World Cup Group 4 (en) ; 1930 FIFA World Cup Group 3 (en) ; 1930 FIFA World Cup Group 2 (en) ; 1930 FIFA World Cup knockout stage (en)
Rannpháirtithe	13
	Rannpháirtithe Argentina men's national football team (en) , Chile men's national football team (en) , France men's national association football team (en) , Mexico men's national football team (en) , Bolivia men's national football team (en) , Brazil men's national football team (en) , Yugoslavia men's national football team (en) , Peru men's national football team (en) , Romania men's national association football team (en) , Uruguay men's national football team (en) , Belgium men's national football team (en) , Paraguay men's national football team (en) agus United States men's national soccer team (en)
Áit agus dáta
Áit	Pocitos Stadium (en) (Montevideo) ; Estadio Centenario (en) (Montevideo) ; Estadio Gran Parque Central (Montevideo)
Tír	Uragua
Eatramh	13 Iúil 1930 – 30 Iúil 1930
Eagrán	1 (1930)
Rangú
Buaiteoir	Uruguay men's national football team
Staitisticí
Cluichí	18
Pointí	70
Ceannaire staitistiúil	Guillermo Stábile (8 ); José Nasazzi (8 )
Lucht féachana	590,549 (32,808 in aghaidh an imeachta)
	1934 →

Comórtas idirnáisiúnta sacair ab ea Corn FIFA an Domhain 1930, an comórtas tionscnaimh de Chorn Sacair an Domhain.

Reáchtáladh an comórtas den chéad uair in Uragua idir an 13 Iúil agus an 30 Iúil sa bhliain 1930, agus bhí an bua ag an bhfoireann bhaile.

Roghnaigh FIFA Uragua ina thír aíochta ós rud é gur bhain an fhoireann náisiúnta an bonn óir i gCluichí Oilimpeacha na bliana 1928, agus chun céad bhliain de neamhspleáchas na tíre a chomóradh.

Cúlra

Ní le Corn Domhanda 1930 a thosaigh an scéal, ach le Cluichí Oilimpeacha 1924. D'iontráil taidhleoir Uragua sna cluichí i bPáras i ngan fhios do dhaoine. Ní raibh buiséad ann don turas agus b’éigean d’oifigeach amháin morgáiste a thabhairt amach ar a theach chun an maoiniú cuí a fháil.^[1]

Chuaigh Uragua ar thuras timpeall na Spáinne ar an mbealach go Páras. Bhí na sluaite faoi gheasa ag an bhfoireann agus a stíl phasála. Le linn an chomórtais ba iad an fhoireann is mó a mheall na sluaite. Seoladh an t-úrscéalaí Colette chun scríobh fúthu do Le Matin.

Nuair a bhuaigh Uragua bonn óir, d’fhógair an nuachtán El Día go raibh níos mó déanta ag an bhfoireann do chlú na tíre ná aon fheachtas bolscaireachta. Cuireadh saoire phoiblí ar bun nuair a d’fhill an fhoireann. Mhaígh Mundo Uruguayo gur léirigh an bua gur “náisiún sibhialta” a bhí in Uragua a d’fhéadfadh cultúr a easpórtáil chomh maith le mairteoil.

D’éirigh le hUragua bonn óir a bhaint sa sacar ag na cluichí Oilimpeacha in Amstardam arís in 1928.

Ansin chinn FIFA go raibh gá le Corn Domhanda a bhunú don sacar a sheasfadh ar a chonlán féin, agus theastaigh ó Uragua go ndéanfaidís óstáil air.^[1]

1930

Bhí Corn Domhanda 1930 ag teacht le comóradh 100 bliain bhunreachta Uragua. Bhain rialtas Uragua leas polaitiúil as an gcomórtas chun féiniúlacht idirnáisiúnta na tíre a chruthú os comhair an domhain. Bhí dul chun cinn foireann sacar Uragua bunaithe i mbuntáistí na hidé-eolaíochta batllismo. Idé-eolaíocht fhorásach ba ea é a leag béim ar lámh an stáit a úsáid ar son leasa shóisialacha. Bhí córas láidir oideachas stáit i gceist a raibh an cleachtadh coirp ina chroílár. Tógadh isteach an lá oibre ocht n-uaire agus tugadh an vóta do chách.

Rinneadh an Estadio Centenario, staid ollmhór sacair i bpríomhchathair na tíre Montevideo, a thógáil chun ceiliúradh a dhéanamh ar an mbliain.

Bhuaigh Uragua ar an Airgintín 4-2 sa chluiche ceannais agus b’fhíorú é go raibh rath ar scéimeanna batllismo. Cé gur tháinig an idé-eolaíocht faoi bhrú le linn an Spealta Mhóir sna 1930í, tá Uragua go fóill ar cheann de na stáit is forásaí dá bhfuil ann, le ceann de na daonraí is sásta i Meiriceá Theas; rud a léiríodh go hidirnáisiúnta de chéad uair le linn an Chéad Choirn Dhomhanda in 1930.^[1]

Féach freisin

Naisc sheachtracha

FIFA – Uruguay 1930 Curtha i gcartlann 2018-12-12 ar an Wayback Machine

Tagairtí

1 2 3 Kerron Ó Luain (2026-06-19). "An Corn Domhanda agus an nasc idir an spórt agus an pholaitíocht" (ga-IE). An Páipéar. Dáta rochtana: 2026-07-13.

[:0-1] 1 2 3 Kerron Ó Luain (2026-06-19). "An Corn Domhanda agus an nasc idir an spórt agus an pholaitíocht" (ga-IE). An Páipéar. Dáta rochtana: 2026-07-13.

[1]