Coinbhinsiún i dtaobh Stádas Dídeanaithe (1951)
| ||||
| ||||
| Cineál | United Nations Conference resolution (en)  conradh de chuid na Náisiún Aontaithe  | |||
|---|---|---|---|---|
| Dáta na bliana | 28 Iúil 1951 | |||
| Dáta foilsithe | 28 Iúil 1951 | |||
| Teacht i bhfeidhm | 22 Aibreán 1954 | |||
| Suíomh | an Ghinéiv, An Eilvéis | |||
| Baint le limistéar údaráis | Geansaí | |||
| Taisce | Ard-Rúnaí na Náisiún Aontaithe | |||
| Teanga an tsaothair nó an ainm | an tSeicis | |||
| Saothar iomlán ar fáil ag URL | unhcr.org… | |||
Síníodh an Coinbhinsiún i dtaobh Stádas Dídeanaithe ar 28 Iúil 1951 sa Ghinéiv, nó go hiondúil, Coinbhinsiún na Ginéive (1951) agus Prótacal na Ginéive (1967).[1]
Dídeanaí
[cuir in eagar | athraigh foinse]De réir an Choinbhinsiúin, is duine é dídeanaí,[2]
“mar gheall ar eagla ghéarleanúna a bhfuil bunús maith faoi ar chúiseanna a bhaineann le, reiligiún, náisiúntacht, comhaltas de ghrúpa sóisialta ar leith nó tuairimí polaitiúla, go bhfuil sé lasmuigh de thír a náisiúntachta agus nach bhfuil ar a chumas, nó nach bhfuil sé toilteanach, i ngeall ar an eagla sin, leas a bhaint as cosaint na tíre sin” [3]
(Airteagal 1(A)(2), den Choinbhinsiún).
Non-refoulement
[cuir in eagar | athraigh foinse]Is é is príomhchuspóir do stádas tearmainn agus dídeanaí ná cosaint in éadan filleadh ar thír ina bhféadfadh baol géarleanúna a bheith ann don duine lena mbaineann.[4] Cuirtear an chosaint seo ar bhonn foirmiúil trí phrionsabal an non-refoulement, a shainítear in Airteagal 33(1) den Choinbhinsiún, mar seo a leanas:
‘Ní dhéanfaidh aon Stát Conarthach dídeanaí a dhíbirt nó a fhilleadh (‘refouler’) ar aon bhealach chuig teorainneacha críocha ina mbeadh a shaol nó a shaoirse faoi bhagairt mar gheall ar a chine, a reiligiún, a náisiúntacht, nó mar gheall ar é a bheith mar chuid de ghrúpa sóisialta nó tuairim pholaitiúil ar leith a bheith aige’.
Feidhmiú san Aontas Eorpach
[cuir in eagar | athraigh foinse]Leis an gComhchóras Eorpach Tearmainn, ní mór urraim a thabhairt d’oibleagáidí na mBallstát faoi Choinbhinsiún 1951 a ghabhann le Coinbhinsiún na Ginéive agus faoi chonarthaí ábhartha eile, amhail an Coinbhinsiún um Chearta an Linbh.[5] Ní mór prionsabal an non-refoulement atá in Airteagal 33 den Choinbhinsiún i dtaobh Dídeanaithe, a chomhlíonadh leis an gComhchóras freisin.
Ina theannta sin, ní mór do Bhallstáit Chomhairle na hEorpa a ráthú go mbeidh ag an uile dhuine laistigh dá ndlínse féin, lena n-áirítear imircigh, na cearta a chumhdaítear sa Choinbhinsiún Eorpach um Chearta an Duine.
Eachtraí
[cuir in eagar | athraigh foinse]An 6 Meitheamh 2017, d’eisigh an Chónaidhm Idirnáisiúnta um Chearta an Duine (CICD) ráiteas inar cáineadh an refoulement ar náisiúnaigh Turcacha ag na húdaráis Ghréagacha. De réir na faisnéise a bhí ar fáil do CICD, rinne na póilíní Gréagacha grúpa de náisiúnaigh Turcacha, a raibh sé mar aidhm acu cosaint idirnáisiúnta sa Ghréig a iarraidh chun éalú ó ghéarleanúint sa Tuirc, a thabhairt ar láimh chuig aonad d’fhir armtha agus masctha ar an 2 Meitheamh 2017 in Ervos chun go seolfaí ar ais chuig an Tuirc iad.[4]
Féach freisin
[cuir in eagar | athraigh foinse]- Coinbhinsiún Eorpach um Chearta an Duine
- Coinbhinsiúin na Háige 1899 agus 1907
- Coinbhinsiún na Ginéive (1864) agus Henry Dunant
- Coinbhinsiúin na Ginéive (1949)[6]
- Dídeanaí agus Géarchéim imirceach na hEorpa
Naisc sheachtracha
[cuir in eagar | athraigh foinse]- Coinbhinsiún na Ginéive ar Thruailliú Aeir Trasteorann Fadraoin[7]
- Céasadh príosúnach i SAM.[8]
Tagairtí
[cuir in eagar | athraigh foinse]- ↑ ""Coinbhinsiún na Ginéive (1951) agus Prótacal na Ginéive (1967 )"". téarma.ie. Dáta rochtana: 2021-07-29.
- ↑ historia-europa.ep.e. "Téama Teorainneacha agus droichid - Imirce". Cartlannaíodh an bunleathanach ar 2021-07-29. Dáta rochtana: 2021.
- ↑ Nó (aistriúchán eile) 'duine atá lasmuigh den tír ar náisiúnach í nó a bhfuil gnáthchónaí air; a bhfuil eagla seanbhunaithe orthu go ndéanfaí géarleanúint orthu mar gheall ar a mballraíocht pobail, a reiligiún, a náisiúntacht, a mballraíocht i ngrúpa sóisialta áirithe nó a dtuairimí polaitiúla; agus nach féidir nó nach dteastaíonn uaidh cosaint na tíre sin a éileamh nó filleadh ansin mar gheall ar an eagla thuasluaite.'
- ↑ 4.0 4.1 "Refoulement ar náisiúnaigh Turcacha ag na húdaráis Ghréagacha" (ga). www.europarl.europa.eu. Dáta rochtana: 2021-07-29.
- ↑ Parlaimint na hEorpa (EPRS | Seirbhís Taighde Pharlaimint na hEorpa) (Márta 2019). "Saincheist na himirce". Dáta rochtana: 2021.
- ↑ Office of the President of Ireland. "ag ceiliúradh 70 bliain Coinbhinsiún na Ginéive (1949)" (en). president.ie. Dáta rochtana: 2021-07-29.
- ↑ "Coinbhinsiún na Ginéive ar Thruailliú Aeir Trasteorann Fadraoin". eur-lex.europa.eu. Dáta rochtana: 2021-07-29.
- ↑ Brian Ó Broin (2006). "Céasadh príosúnach ag déanamh dochair d’íomhá Mheiriceá" (ga). Beo!. Dáta rochtana: 2021-07-29.