Jump to content

Cogadh na Fionlainne (1808-1809)

Ón Vicipéid, an chiclipéid shaor.
Teimpléad:WD Bosca Sonraí ImeachtCogadh na Fionlainne
Íomhá
Cineálcoinbhleacht Cuir in eagar ar Wikidata
Cuid deCogaí na Rúise agus na Sualainne agus Cogaí Napoléon Cuir in eagar ar Wikidata
Tréimhse21 Feabhra 1808 - 17 Meán Fómhair 1809
Suíomhan Fhionlainn, An Fhionlainn Cuir in eagar ar Wikidata
Rannpháirtí
Croineolaíocht
17 Meán Fómhair 1809 Conradh Fredrikshamn
21 Lúnasa 1808 Cath Karstula Cuir in eagar ar Wikidata


Cuid de na himeachtaí, Márta - Bealtaine 1808

Is éard a bhí i gceist le Cogadh na Fionlainne ná cogadh a chuir Impireacht na Rúise ar an tSualainn sna blianta 1808-1809 agus a rinne cúige Rúiseach de chríocha thoir na Sualainne, is é sin, den Fhionlainn.[1]

Oifigeach von Konow agus saighdiúir Bergsten.

Ba é ba chúis leis an gcogadh ná an conradh síochána a shínigh an Fhrainc agus an Rúis in Tilsit sa bhliain 1807. Rinne an conradh comhghuaillí de chuid na Fraince den Rúis, agus theastaigh ón bhFrainc brú a chur ar an tSualainn, ionas go mbeadh sí sásta páirt a ghlacadh i gCóras na Mór-roinne, is é sin an t-imshuí trádála a bhí i bhfeidhm ag an bhFrainc in aghaidh na Breataine Móire.

Roimh an gcogadh, ní raibh an Rúis lena cuid a dhéanamh den Fhionlainn go fóill - ní choinnídís an limistéar ach go sealadach, go dtí go mbeadh an tSualainn sásta dul i gCóras na Mór-roinne. Tháinig na Rúisigh ar athchomhairle go sciobtha i ndiaidh thús an chogaidh, áfach, ó bhí siad barúlach go raibh an Fhionlainn ag bagairt ar Chathair Pheadair, dá bhfanfadh an tSualainn ina seilbh. Bhí siad buartha faoi dhaingean Sveaborg in aice le Heilsincí freisin, ós bunáit láidir a bhí ann a d'fhéadfadh na Sualannaigh a úsáid le haghaidh ionsaithe ar Chathair Pheadair nó ar thailte na Rúise timpeall Mhuir Bhailt.

I ndiaidh an chogaidh, rinneadh Ard-Diúcacht den Fhionlainn - is é sin, fuair an tír stádas féinrialaitheach mar chuid den Rúis. B'éigean do na Sualannaigh an Fhionlainn go léir a ghéilleadh don Rúis.

Féach freisin

[cuir in eagar | athraigh foinse]
  1. "Chronology of battles and events of the Finnish War" (as en) (2020-09-18). Wikipedia.