Chuck Berry

Ón Vicipéid, an chiclipéid shaor.
Jump to navigation Jump to search
Chuck Berry circa 1958.jpg

Ba cheoltóir Meiriceánach é Charles Edward Anderson "Chuck" Berry (18 Deireadh Fómhair, 1926 – 18 Márta 2017). Giotáraí, amhránaí agus cumadóir a bhí ann, agus ceannródaí an rac-cheoil. Rugadh Berry i St. Louis, Mhissouri. Bhí sé ar na chéad daoine a insealbhaíodh sa Rock and Roll Hall of Fame nuair a osclaíodh é sa bhliain 1986.

Chuck Berry, You can't catch me, 1956.

Saol[athraigh | athraigh vicithéacs]

Rugadh Chuck Berry i gcathair St. Louis i 1926, an tríú duine de sheisear clainne. Tógadh é i gceantar sa chathair darbh ainm the Ville, ceann den bheagán cheantar sin ina bhféadfadh daoine gorma tithe a cheannach.

Chuck Berry, 1972

Deagánach ab ea a athair in eaglais Bhaisteach sa cheantar, agus múinteoir ab ea a mháthair.

Scannán Rock Rock Rock (1956)

Bhí suim ag Berry sa cheol óna óige ar aghaidh, agus sheinn go poiblí den chéad uair agus é sa mheánscoil fós. I 1944, ghoid Berry, agus cúpla cara, carr agus thiomáin siad go dtí Kansas City. Mar phionós, fuair Berry deich mbliana i scoil ceartúcháin, ach tháinig sé amach tar éis trí bliana.

Thosaigh Berry ag seinm na 'ngormacha' agus é ina dhéagóir, agus sa bhliain 1953 thosaigh sé ag seinm le Sir John's Trio, banna beag i Saint Louis. I 1955, chuaigh Berry go Chicago, agus bhuail sé leis an gceoltóir Muddy Waters. Mhol Waters dul ag caint le Chess Records. Shínigh Berry conradh ceoil leo, agus sheol sé amach a chéad singil, darbh ainm Maybellene, i mí Meán Fómhair. Shroich an t-amhrán uimhir a cúig i gcairteanna Mheiriceá.

Bhí rath ar Berry arís i Meitheamh 1956 leis an amhrán Roll Over Beethoven.

Chuck Berry, Deauville (France), 1987.

I 1957, chuaigh Berry amach ar thuras leis na Everly Brothers, Buddy Holly agus cuid de na rac-cheoltóirí nua eile.

The Complete Studio Recordings

Bhí Berry i dtrioblóid arís i mí Nollag 1959, nuair a thug sé post do chailín óg i Berry's Club Bandstand, an club oíche a bhíodh aige i St. Louis. Ní raibh an cailín ach ceithre bhliain déag d'aois, agus cuireadh Berry agus an cailín i bpríosún. D'fhan Berry faoi ghlas ar feadh cúig bliana.

Nuair a tháinig sé amach i 1963, bhí a cheol i bhfaisean arís, mar bhí bannaí ar nós The Beatles agus The Rolling Stones ag seinm a chuid amhrán fós.

D'oscail Berry bialann nua i Missouri darbh ainm The Southern Air, agus eastát nua darbh ainm Berry Park. D'eagraigh sé ceolchoirmeacha éagsúla san ionad ar feadh na mblianta.

Lean Berry ag ceol go dtí 2017, i Meiriceá agus thar lear.

Tionchar[athraigh | athraigh vicithéacs]

Chuck Berry, Virgin Fest, 2008

Ceannródaí rac-cheoil ab ea Berry, agus bhí an-tionchar aige ar fhorbairt an cheoil sin. Ba laoch é Berry mar ghiotáraí, agus deir a lán giotáraithe éagsúla go raibh tionchar mór ag Berry orthu[1].

Tacaithe móra ab ea Keith Richards as The Rolling Stones agus John Lennon as The Beatles.

Is dócha go raibh tionchar díreach ag Berry ar Elvis Presley freisin, agus úsáideann Angus Young as AC/DC "siúl-lacha" cáiliúil Berry fós.

Tá an díospóireacht ar siúl i gcónaí faoin gcéad cheirnín rac-cheoil a rinne sé, ach tugtar an chraobh de ghnáth do "Maybellene", a rinne Berry i 1955.

2012

Tagairtí[athraigh | athraigh vicithéacs]

  1. Campbell, M. (ed.) (2008). Popular Music in America: And the Beat Goes On. 3rd ed. Cengage Learning. pp. 168–169.