Chuck Berry

Ón Vicipéid, an chiclipéid shaor.
Chuck Berry
Chuck Berry (8275961).jpeg
Saol
Ainm iomlánCharles Edward Anderson Berry
Eolas breitheSt. Louis, 18 Deireadh Fómhair 1926
NáisiúntachtStáit Aontaithe Mheiriceá
Áit chónaitheThe Ville (en) Aistrigh
Chuck Berry House (en) Aistrigh
Grúpa eitneachMeiriceánaigh Afracacha
BásSt. Charles, 18 Márta 2017
Cúis bháisbás nádúrtha (ionfharchtadh miócairdiach)
Muintir
Céile/CéilíThemetta Suggs (en) Aistrigh  (1948 -
Oideachas
Alma materSumner High School and auditorium (en) Aistrigh
Sumner High School (en) Aistrigh
TeangachaBéarla Meiriceánach
an Béarla
Gairm
Gairmgiotáraí, amhránaí is scríbhneoir, amhránaí, cumadóir, ceoltóir, bialannaí agus ealaíontóir taifeadta
Áit oibreNua-Eabhrac
Saothar iomráiteachJohnny B. Goode (en) Aistrigh
Maybellene (en) Aistrigh
Roll Over Beethoven (en) Aistrigh
Rock and Roll Music (en) Aistrigh
Duaiseanna
BallraíochtChuck Berry & His Combo (en) Aistrigh
Gluaiseacht ealaínerac-cheol
na gormacha
rac is roll
Cineál guthateanóir
Uirlis cheoilgiotár
Gibson ES-335 (en) Aistrigh
Fender Telecaster (en) Aistrigh
Fender Stratocaster (en) Aistrigh
ceol gutha
Lipéad ceoilChess Records
Mercury Records
Atco Records
Dualtone Records (en) Aistrigh
Cleamhnú
ReiligiúinBaisteachas
IMDbnm0001946
chuckberry.com
Discogs ID180119
Instagram_chuckberry

Ba cheoltóir Meiriceánach é Charles Edward Anderson "Chuck" Berry (18 Deireadh Fómhair, 1926 – 18 Márta 2017). Giotáraí, amhránaí agus cumadóir a bhí ann, agus ceannródaí an rac-cheoil. Rugadh Berry i St. Louis, Mhissouri.

Tharraing Chuck Berry blues, ceol tíre, soul agus rac-cheol le chéile chun a fhuaim féin a chruthú ach is mar cheoltóir agus cumadóir rac a thoill sé ardmheas. Bhí sé ar na chéad daoine a insealbhaíodh sa Rock and Roll Hall of Fame nuair a osclaíodh é sa bhliain 1986.[1]

Chuck Berry circa 1958.jpg
Chuck Berry, You can't catch me, 1956.

Saol[cuir in eagar | athraigh foinse]

Rugadh Chuck Berry i gcathair St. Louis i 1926, an tríú duine de sheisear clainne. Tógadh é i gceantar sa chathair darbh ainm the Ville, ceann den bheagán cheantar sin ina bhféadfadh daoine gorma tithe a cheannach.

Chuck Berry, 1972

Deagánach ab ea a athair in eaglais Bhaisteach sa cheantar, agus múinteoir ab ea a mháthair.

Bhí suim ag Berry sa cheol óna óige ar aghaidh, agus sheinn go poiblí den chéad uair agus é sa mheánscoil fós. I 1944, ghoid Berry, agus cúpla cara, carr agus thiomáin siad go dtí Kansas City. Mar phionós, fuair Berry deich mbliana i scoil ceartúcháin, ach tháinig sé amach tar éis trí bliana.

Thosaigh Berry ag seinm na 'ngormacha' agus é ina dhéagóir, agus sa bhliain 1953 thosaigh sé ag seinm le Sir John's Trio, banna beag i Saint Louis. I 1955, chuaigh Berry go Chicago, agus bhuail sé leis an gceoltóir Muddy Waters. Mhol Waters dul ag caint le Chess Records. Shínigh Berry conradh ceoil leo, agus sheol sé amach a chéad singil, darbh ainm Maybellene, i mí Meán Fómhair. Shroich an t-amhrán uimhir a cúig i gcairteanna Mheiriceá.

Bhí rath ar Berry arís i Meitheamh 1956 leis an amhrán Roll Over Beethoven.

Chaith Berry tamall de bhlianta ar an mbóthar agus ag taisteal ar fud an domhain, i gcuideachta a mhacasamhail Jerry Lee Lewis agus Little Richard agus laochra eile na haoise.[1]

Chuck Berry, Deauville (France), 1987.

I 1957, chuaigh Berry amach ar thuras leis na Everly Brothers, Buddy Holly agus cuid de na rac-cheoltóirí nua eile.

The Complete Studio Recordings

Bhí Berry i dtrioblóid arís i mí Nollag 1959, nuair a thug sé post do chailín óg i Berry's Club Bandstand, an club oíche a bhíodh aige i St. Louis. Ní raibh an cailín ach ceithre bhliain déag d'aois, agus cuireadh Berry agus an cailín i bpríosún. D'fhan Berry faoi ghlas ar feadh cúig bliana.

Nuair a tháinig sé amach i 1963, bhí a cheol i bhfaisean arís, mar bhí bannaí ar nós The Beatles agus The Rolling Stones ag seinm a chuid amhrán fós.

Chuck Berry, Virgin Fest, 2008

D'oscail Berry bialann nua i Missouri darbh ainm The Southern Air, agus eastát nua darbh ainm Berry Park. D'eagraigh sé ceolchoirmeacha éagsúla san ionad ar feadh na mblianta.

Lean Berry ag ceol go dtí 2017, i Meiriceá agus thar lear.

Duaiseanna agus meas[cuir in eagar | athraigh foinse]

Is iomaí moladh a fuair sé agus is iomaí duais a bronnadh air le linn a shaoil. Bhronn an Uachtarán SAM Bill Clinton duais Kennedy Centre Honors Award air ag tús an chéid mar gheall ar an méid a bhain sé amach. Dar leis, ba dhuine de cheoltóirí móra na linne é Berry.

Ceannródaí rac-cheoil ab ea Berry, agus bhí an-tionchar aige ar fhorbairt an cheoil sin. Tá iomrá ar leith ar Berry as a scileanna cumadóireachta agus as an gcaoi a mbaineann sé úsáid as greann chun scéal a insint ina gcuid liricí.[1]

Tionchar[cuir in eagar | athraigh foinse]

2012

Ba laoch é Berry mar ghiotáraí, agus deir a lán giotáraithe éagsúla go raibh tionchar mór ag Berry orthu.[2]

Tacaithe móra ab ea Keith Richards as The Rolling Stones agus John Lennon as The Beatles.

Is dócha go raibh tionchar díreach ag Berry ar Elvis Presley freisin, agus úsáideann Angus Young as AC/DC "siúl-lacha" cáiliúil Berry fós.

Tá an díospóireacht ar siúl i gcónaí faoin gcéad cheirnín rac-cheoil a rinne sé, ach tugtar an chraobh de ghnáth do "Maybellene", a rinne Berry i 1955.

Tagairtí[cuir in eagar | athraigh foinse]

  1. 1.0 1.1 1.2 Tara Ní Mhurchú (12ú Meitheamh 2013). "Chuck Berry – Golden Hits 1967" (ga-IE). NÓS. Dáta rochtana: 2022-10-29.
  2. Campbell, M. (ed.) (2008). Popular Music in America: And the Beat Goes On. 3rd ed. Cengage Learning. pp. 168–169.