Buddy Holly

Ón Vicipéid, an chiclipéid shaor.
Jump to navigation Jump to search
Buddy Holly
Buddy Holly cropped.JPG
Ainm breithe Charles Hardin Holley
Rugadh 7 Meán Fómhair, 1936
  Lubbock, Texas
Bás 3 Feabhra, 1959
  Contae Cerro Gordo, Iowa
Náisiúntacht Meiriceánach
Gairm Amhránaí is scríbhneoir, ceoltóir
Seánra(í) ceoil Rac-cheol
Gníomhach 19551959
Lipéad/lipéid Decca, Brunswick, Coral

Bhain Buddy Holly clú agus cáil amach sna 1950idí mar amhránaí, ceoltóir agus ceannródaí rac-cheoil. Duine de laochra ceannródaíocha an cheoil rac is roll ba ea é.

Saol[athraigh | athraigh vicithéacs]

Rugadh Charles Hardin Holley ar an 7 Meán Fómhair, 1936. Buddy a thugtaí mar leasainm air, agus d'athraigh sé litriú a shloinne go Holly nuair a rinneadh botún ina chonradh ceoil.

Spreag ceolchoirm de chuid Elvis Presley Holly chun a bhanna féin The Crickets a chuir le chéile. Bhí Holly ag cumadh a amhrán féin, agus bhí sé ar duine de na céad ceoltóirí chun an giotár-leictreach a sheinm.

Bhain Holly úsáid as The Crickets mar bhanna taca suas go dtí an bhliain 1959, nuair a scoilteadh iad. Cé gur shocraigh siad an banna a chur ar ais le chéile, cailleadh Holly cúpla mí níos déanaí.

Bás agus tionchar[athraigh | athraigh vicithéacs]

Bhásaigh Holly ina fhear óg scór is dhá bhliain d'aois ar an 3 Feabhra, 1959. Thuairteáil an t-eitleán, ina raibh sé ag taisteal, i gClear Lake, Iowa. Bhí sé ar a mbealach go Fargo, Dakota Thuaidh. Bhí Holly i lár an ‘Winter Dance Party Tour’ agus ghlac Holly an t-eitleán amach ar cíos mar gheall ar fhadhbanna teasa lena mbus turais.

Bhásaigh Richie Valens, J.P. Richardson ("The Big Bopper") agus an píolóta Roger Peterson sa tuairt chéanna. Thuairteáil siad go gairid tar éis éirí de thalamh i ngort.

Buddy holly.jpg

Ní raibh Holly ach 22 bliain d’aois agus ní raibh ach 17 bliain slánaithe ag Valens, a bhain clú mór amach leis an chnag aitheanta ‘La Bamba’. Ach bhí na básanna brónacha seo mar inspioráid ag go leor ceoltóirí a bhí le teacht ina ndiaidh.

Tionchar[athraigh | athraigh vicithéacs]

Bhain an taisme stangadh ollmhór as an saol rac is roll ag an am: “An lá a fuair an ceol bás” a dúirt Nós[1]. Cé nach luann ‘American Pie’ ainmneacha na gceoltóirí, tá sé ráite ag Don McLean go ndeachaigh ceol Holly, agus an taisme, go mór i bhfeidhm air agus dá réir sin gur scríobh sé amhrán faoin “day the music died” (albam "American Pie").

Mar thoradh ar na hamhráin cháiliúla a bhí seolta ag Holly- mar shampla That'll Be the Day, Everyday, Peggy Sue, Not Fade Away, It Doesn't Matter Anymore agus True Love Ways - bhí tionchar mór ag Holly ar domhan an rac-cheoil. Mar shampla, déarfadh daoine ar nós The Beatles agus Bob Dylan gur inspioráid díreach é Holly ar a gcuid ceoil (níl botún é an chosúlacht idir The Beatles agus The Crickets).

Tagairtí[athraigh | athraigh vicithéacs]