Charles Coote, 1ú Bhairnéad
  | |
| Beathaisnéis | |
|---|---|
| Breith | 1581 (Féilire Ghréagóra) |
| Bás | Bealtaine 1642 60/61 bliana d'aois |
| Ball Parlaiminte i bParlaimint na hÉireann | |
| | |
| Gníomhaíocht | |
| Gairm | polaiteoir |
| Eile | |
| Teideal uasal | Bairnéad |
| Céile | Dorothea Cuffe (1604–) |
| Páiste | Laetitia Coote, Chidley Coote, Charles Coote, 1ú Iarla Mhaighean Rátha, mac anaithnid Coote, Richard Coote |
| Athair | Sir Nicholas Coote (en)  agus Anne Cooper (en) |
Saighdiúir, riarthóir agus úinéir talún Sasanach a bhí ina chónaí in Éirinn ab ea Sir Charles Coote, 1ú Bhairnéad (1581–1642), as Castle Cuffe i gContae na Banríona (Contae Laoise an lae inniu). Throid sé i Léigear Chionn tSáile (1601–1602) i gCogadh na Naoi mBliana agus bhí sé i gceannas ar an ruathar cinntitheach marcra ag Cath Chill Rois (1642) de Chogaí Cónaidhm na hÉireann.
Breith agus bunadh eitneach[cuir in eagar | athraigh foinse]
Rugadh Charles i Sasana, an chéad mhac le Sir Nicholas Coote agus a dhara bean chéile, Eleanor Stanhope. Ó Blo' Norton i Norfolk a athair. Iníon le Sir Michael Stanhope ab ea a mháthair, Eleanor, agus deirfiúr le John Stanhope, 1ú Bharún Stanhope (d’éag 1621), a chuir chun cinn gairm bheatha luath Charles.
Luathshaol[cuir in eagar | athraigh foinse]
Sa bhliain 1600, d'aistrigh Coote go hÉirinn mar chaptaen ar chomplacht de 100 fear i reisimint coisithe in arm an Tiarna Mountjoy Charles Blount, Fear Ionad na hÉireann, áit ar throid sé sna blianta deireanacha de Chogadh na Naoi mBliana, agus bhí sé ag Léigear Chionn tSáile i 1601–1602, rud ba chúis le briseadh Aodha Uí Néill ar deireadh thiar.
Sa bhliain 1605 ceapadh Coote ina Phropast-Mharascal Chonnachta ar feadh a shaoil agus i 1613 ceapadh é chun oifig an Ard-Bhailitheora agus ghlacadóra, d'airgead comhshuímh Chonnachta an Rí, ar feadh a shaoil freisin. Rinne Oliver St John, Leas-Ionadaí an Rí, ridire de sa bhliain 1616.
Pósadh agus leanaí[cuir in eagar | athraigh foinse]
Roimh 1617 phós Coote Dorothea, an iníon ab óige agus comhoidhre le Hugh Cuffe as Choill Chuffe, Contae Chorcaí.
Bhí cúigear clainne ag Charles agus Dorothea, ceathrar mac:
- Charles, a ndearnadh Iarla Mhaighean Rátha de i 1660.
- Chidley
- Risteard, Barún Coote de Chúil Mhuine níos déanaí, agus ba athair é do Risteard Coote, 1ú Iarla Bellomont
- Thomas (d’éag 1671) as Muinchille i gContae an Chabháin
—agus iníon amháin
- Laetitia, a phós Sir Francis Hamilton, 1ú Bhairnéad, Killock, ar a dtugtar freisin Cill na Seanrátha, Contae an Chabháin