Cás R v Penguin Books Ltd
| Cineál | cás dlí  |
|---|---|
| Dáta na bliana | 1960 |
| Tír | an Ríocht Aontaithe |
Cúiseamh, a bhain le foilsiú an úrscéil 𝙇𝙖𝙙𝙮 𝘾𝙝𝙖𝙩𝙩𝙚𝙧𝙡𝙚𝙮'𝙨 𝙇𝙤𝙫𝙚𝙧 le D.H. Lawrence, ab ea R v Penguin Books Ltd. sa bhliain 1960 i Sasana. Bhí cás an ionchúisimh bunaithe ar an Obscene Publications Act 1959.
Imeachtaí
[cuir in eagar | athraigh foinse]Chuir Lawrence an leabhar amach sa bhliain 1928, ach dáileadh é ar bhonn príobháideach.
Ar thaobh an ionchúisimh sa bhliain 1960, bhí an t-abhcóide míchlúiteachMervyn Griffith-Jones ann mar ionchúisitheoir.[1] Chuir sé an cheist ar an ngiúiré, 'Ar mhaith leat go léifeadh do bhean chéile nó do sheirbhísigh leabhar dá leithéid?'.[2] Ní raibh ann ach ach graostacht faoi scáth na healaíne, a dúirt an t-ionchúiseamh..
Ar 2 Samhain 1960, thug giúiré de chuid an tSean-Bhábhúin fíorasc neamhchiontachta sa chás. An lá dár gcionn, dár gcionn, dhíol Penguin 200,000 cóip den leabhar, agus dhá mhilliún idir 3 Samhain - 15 Nollaig.
Ceaptar go forleathan sa lá atá inniu ann gur thuar na n-athruithe sóisialta agus cultúrtha a tharla sa Ríocht Aontaithe agus i dtíortha eile san Iarthar sna 1960idí a bhí sa chinneadh seo. Bhí an triail ina chor cinniúnach chomh maith i bhforbairt dhlíthe na graostachta i Sasana agus sa Bhreatain Bheag,v
Tionchar
[cuir in eagar | athraigh foinse]Sa bhliain 2009 scríobh An Dochtúir Eoin O'Dell (An Scoil Dlí, Coláiste na Tríonóide) postáil blag maidir leis na torthaí a bhí ar chásanna dlí faoin úrscéal i Stáit Aontaithe Mheiriceá agus sa Ríocht Aontaithe. Féach anseo Curtha i gcartlann 2021-11-02 ar an Wayback Machine.[3][1]
Féach freisin
[cuir in eagar | athraigh foinse]- Mervyn Griffith-Jones (Bhí Griffith-Jones i measc na n-ionchúisitheoirí Briotanacha i rith Thrialacha Nürnberg.)
Tagairtí
[cuir in eagar | athraigh foinse]- ↑ 1.0 1.1 Scoil Dlí, COBÁC (2020). "Fíorasc ar Leannán Lady Chatterley". Dáta rochtana: 2021.
- ↑ Chuir sé ceist den chineál céanna ar an ngiúiré sa bhliain 1954, i dtriail Walter Baxter agus Heinemann as an úrscéal The Image and the Search le Baxter a fhoilsiú, cás eile a chríochnaigh le fíorasc neamhchiontachta.
- ↑ Eoin O'Dell (2009). "Is Lady Chatterley’s Lover obscene? – cearta.ie" (en-IE). Dáta rochtana: 2021-11-02.