Bina McLoughlin
| Beathaisnéis | |
|---|---|
| Breith | 1929 Gleann na nGeimhleach, Éire  |
| Bás | 16 Feabhra 2001 71/72 bliana d'aois |
| Áit adhlactha | An Líonán |
| Áit chónaithe | Gleann na nGeimhleach Coilleach Bheag |
| Teanga dhúchais | an Ghaeilge |
| Gníomhaíocht | |
| Gairm | cardálaí, feirmeoir caorach, aisteoir |
| Teangacha | An Ghaeilge |
 | |
Feirmeoir caorach agus cardálaí as Conamara ab ea Bina McLoughlin (1929–2001). Baisteadh “the Queen of Connemara” uirthi i ndeireadh a saoil.
Rugadh agus tógadh le Gaeilge i nGleann na nGeimhleach í, i ngar don Líonán i dtuaisceart Chonamara. Ba iad Peadar Mac Lochlainn agus Áine Seoighe a tuismitheoirí.[1]
Chaith sí an chuid is mó dá saol fásta ina cónaí ina haonar ar fheirm i gCoilleach Bheag, achar gairid ón Líonán, áit a raibh tréad caorach ar chnoc aici.
Nuair a rinneadh an scannán The Field sa cheantar i ndeireadh na 1980idí, tugadh ról beag di. Bhí sí in ann a feisteas féin ar fad a chaitheamh as an mbailiúchán de sheanbhalcaisí a bhí aici.[1].
Thacaigh sí go láidir le Fianna Fáil, go háirithe le hÉamon Ó Cuív, agus théadh sí amach ag stocaireacht ar a shon sna 1980idí agus sna 1990idí. Nuair a fuair sí bás i 2001, d'fhág sí a feirm agus a talamh, arbh fhiú thart ar mhilliún punt iad, le huacht ag Ó Cuív.[2] Dhiúltaigh sé an tiomnacht, agus fágadh an talamh ag deirfiúracha McLoughlin a bhí ina gcónaí i Sasana.
Rinneadh gearrscannán faoina saol i 2018 dar teideal The Queen of Connemara: The Extraordinary Life of Bina McLoughlin.[3]
Tagairtí
[cuir in eagar | athraigh foinse]- ↑ 1.0 1.1 Mac Con Iomaire, Liam (1997). "Conamara: An Tír Aineoil" (in ga). Indreabhán: Cló Iar-Chonnacht. ISBN 1-900693-39-9.
- ↑ "O Cuiv turns down £1m house, land bequest" (2001-02-27). Dáta rochtana: 2024-02-13.
- ↑ "The Queen of Connemara". Dáta rochtana: 2024-02-13.