Ben Óg Dunne
| Beathaisnéis | |
|---|---|
| Breith | 11 Márta 1949 Corcaigh, Éire  |
| Bás | 18 Samhain 2023 74 bliana d'aois Dubai, Aontas na nÉimíríochtaí Arabacha |
| Faisnéis phearsanta | |
| Scoil a d'fhreastail sé/sí | Coláiste na Toirbhirte |
| Gníomhaíocht | |
| Gairm | duine den lucht gnó |
| Fostóir | Dunnes, stiúrthóir (–1992) |
| Saothar | |
Saothar suntasach
| |
| Teaghlach | |
| Athair | Ben Dunne |
| Siblín | Margaret Heffernan |
Fear gnó as Contae Chorcaí ba ea Ben Óg Dunne (11 Márta 1949 – 18 Samhain 2023). Bhí aithne mhór air mar iar-stiúrthóir ar chomhlachta ollmhargaí Dunnes Stores agus mar bhunaitheoirí Ben Dunne Gyms ar fud na tíre. Ba iad íocaíochtaí Ben Dunne le polaiteoirí a ba chúis le dhá bhinse fiosrúcháin.[1][2]
Beatha[cuir in eagar | athraigh foinse]
Ba é an duine ab óige de sheisear clainne é i dteaghlach an chomhlachta Dunnes Stores. Ben Dunne ba ea an t-ainm ar a athair chomh maith, Ben Mór Dunne (1908-1983).[3]
Síleadh gurb é Ben Óg a thiocfadh i gcomharbacht ar a athair mar cheannasaí an chomhlachta ach cuireadh cor ina chinniúint nuair a d'fhuadaigh an IRA é i gCo. Ard Mhacha ar an 15 Deireadh Fómhair 1981. Coinníodh ina ghiall é ar feadh seacht lá go dtí gur íocadh airgead fuascailte (is cosúil). D'fhág sé tráma ollmhór air.
Lean sé ar aghaidh ina stiúrthóir ar ghnó a theaghlaigh go dtí gur cúisíodh é i Florida Mheiriceá sa mbliain 1992 as cócaon a bheith ina sheilbh aige agus faoi gur íoc sé as striapach. Tharla easaontas i gclann Dunne ina dhiaidh sin a chuir deireadh lena cheangal le gnó Dunnes Stores. Cheannaigh a dheirfiúr Margaret Heffernan a sciar den chomhlacht ar luach os cionn IR£100 milliún.[1]
I 1997 bhunaigh Ben Dunne sraith sólanna agus ionaid aclaíochta ar fud Bhaile Átha Cliath a raibh rath orthu.
Fuair Ben Dunne bás tobann i Dubai ar 18 Samhain 2023. Bhí sé seachtó ceathrar bliain d'aois agus ar a laethanta saoire sa Mheánoirthear. Mhair bean chéile Dunne agus a gceathrar clainne.
Scannal breabaireachta[cuir in eagar | athraigh foinse]
Tá ainm Ben Óg Dunne aitheanta le ceann de na conspóidí a ba mhó i bpolaitíocht na nochaidí. Ba iad íocaíochtaí Ben Dunne le polaiteoirí a ba chúis le dhá bhinse fiosrúcháin.
Sa bhliain 1996, thuairiscigh an t-iriseoir Sam Smyth gur bhronn Ben Dunne suimeanna airgid ar pholaiteoirí aitheanta - ina measc an t-iar aire rialtais le Fine Gael, Michael Lowry agus an t-iar Thaoiseach Charlie Haughey.[4] Bhí ar Lowry, an tAire Iompair, Fuinnimh agus Cumarsáide ag an am, éirí as oifig i mí na Samhna 1996, nuair a scaoileadh amach gur íoc Dunne as costas obair tógála ar a theach cónaithe. Bhronn Ben Dunne £1.3 milliún punt ar Haughey leis na blianta.
Bunaíodh binse fiosrúcháin McCracken i 1997 le iniúchadh a dhéanamh ar na híocaíochtaí sin. Bhí an scannal íocaíochtaí chomh mór sin gurbh éigean an dara binse fiosrúcháin a bhunú faoi stiúir an Bhreithimh Moriarty.
Dhearbhaigh Ben Dunne don bhinse fiosrúcháin go ndearna sé na híocaíochtaí leis na polaiteoirí.[1]
Féach freisin[cuir in eagar | athraigh foinse]
Naisc sheachtracha[cuir in eagar | athraigh foinse]
Tagairtí[cuir in eagar | athraigh foinse]
- ↑ 1.0 1.1 1.2 Nuacht RTÉ (2023-11-19). "An fear gnó Ben Dunne tar éis bháis" (as ga-IE).
- ↑ Sean Murray (2023-11-19). "'Ben Dunne led a life less ordinary': Tributes paid to controversial businessman" (en). Irish Examiner. Dáta rochtana: 2023-11-20.
- ↑ "Ben Dunne" (as en) (2023-11-19). Wikipedia.
- ↑ Sam Smyth (1997-01-01). "Thanks a Million Big Fella" (as English). Blackwater Press.
- ↑ "Ben Dunne Gyms" (en-IE). Ben Dunne Gyms (2023). Dáta rochtana: 2023-11-19.