Andreas Baader

Andreas Baader
Beathaisnéis
Breith	(de) Berndt Andreas Baader; 6 Bealtaine 1943; München (An Reich Gearmánach)
Bás	18 Deireadh Fómhair 1977 ; 34 bliana d'aois; Stammheim Prison (An Ghearmáin Thiar)
Siocair bháis	Féinmharú (Tráma balaistíoch)
Áit adhlactha	Dornhaldenfriedhof (en)
Faisnéis phearsanta
Scoil a d'fhreastail sé/sí	Grundschule an der Herrnstraße (en)
Gníomhaíocht
Réimse oibre	Sceimhlitheoireacht
Gairm	sceimhlitheoir, bohemianism (en)
Ball de	Rote Armee Fraktion
Teangacha a labhraíonn nó a scríobhann sé/sí	An Ghearmáinis

Sceimhlitheoir Gearmánach a bhí i mBerndt Andreas Baader (rugadh i München ar an 6 Bealtaine 1943 é, agus fuair sé bás i bpríosún Stammheim ar an 18 Deireadh Fómhair 1977).

Saol[cuir in eagar | athraigh foinse]

Suaitheantas na droinge. Taispeánann sé fo-inneallghunna den déanamh Heckler & Koch.

Cailleadh a athair i ndeireadh an Dara Cogadh Domhanda, agus ba iad a mháthair, a aintín agus a mháthair mhór a thóg é.

Bhí sé ina ógchiontóir nuair a bhí sé ina dhéagóir, agus é ag goid gluaisteáin le haghaidh spraoithiomána go minic.

Ina fhear óg dó, chuaigh sé go Beirlín agus fuair sé aithne ar radacaigh na heite clé. Fear spadhartha a bhí ann agus é claonta chun foréigin.

Reilig Dornhaldenfriedhof i Stuttgart

Ón mbliain 1968 ar aghaidh, ghlac sé páirt i ngníomhartha neamhdhlíthiúla na radacach is na sceimhlitheoirí óga. Sa bhliain 1970, gabhadh é, ach shaor na sceimhlitheoirí eile é ón mbraighdeanas mí ina dhiaidh sin. Chuaigh seisean agus fiche radacach eile go dtí an Iordáin le hoiliúint treallchogaíochta a fháil ó na Palaistínigh ansin.

Ina dhiaidh sin, bhí Baader páirteach in ionsaithe buamála agus i ruathair ar bhainc. Bhí barántas amuigh air thar aon sceimhlitheoir eile.

Ar an 1 Meitheamh 1972 gabhadh é in éineacht le Jan-Carl Raspe agus Holger Meins.

Cailleadh é le linn "Oíche an Bháis i Stammheim" (18 Deireadh Fómhair 1977), nuair a chuir seisean, Raspe agus Gudrun Ensslin lámh ina bhásanna féin i bpríosún Stammheim, Stuttgart.^[1]