An Phoblacht (dialóg)

Is é is ábhar don leathanach seo ná an leabhar a scríobh Platón. Má tá suim agat i gciall eile atá leis an téarma seo, féach Poblacht (idirdhealú).

An Phoblacht

(grc) Πολιτεία
Cineál	saothar liteartha
Cárta innéacs
Údar	Platón
Teanga	an tSean-Ghréigis agus an Ghréigis
Foilseachán	an tSean-Ghréig
Dáta a bunaíodh	370í "RCh"
Tréith
Príomhábhar	fealsúnacht pholaitiúil
Seánra	dialóg
Carachtair	Sócraitéas
Suíomh scéalaíochta	an Aithin Chlasaiceach
Cuid den tsraith
agallamh Platónach

Is leabhar cáiliúil le Platón é An Phoblacht (Gréigis: Πολιτεία) a bhaineann le cúrsaí fealsúnachta agus polaitíochta. Scríobhadh é timpeall 390 RC.

Forbhreathnú

Is é An Phoblacht an saothar is mó de chuid Platóin agus tá sé i gcruth agallaimh. Is í samhail na huaimhe, samhail cháiliúil a úsáideadh. Sa chur síos seo, tá príosúnaigh gafa in uaimh agus níl solas an lae ag teacht isteach chucu. Déanann siad dearmad ar an uair nach raibh siad ina bpríosúnaigh. Sroicheann siad an chéim nach bhfuil eolas níos fearr acu agus go síleann siad gur gnáthrud é seo. Bíonn scáileanna de chruthanna le feiceáil os comhair na bpríosúnach. Ní fheiceann siad na fíor-rudaí is cúis leis na scáileanna, áfach. Pléann siad na híomhánna agus ainmníonn siad iad, cé gur scáileanna amháin atá sa "réaltacht" sin. Tá na príosúnaigh sásta lena saol mar ní féidir leo aon ní eile níos fearr a shamhlú. Éalaíonn príosúnach ón uaimh, téann amach faoi sholas an lae agus féachann ar an bhfíor-áilleacht. Tagann sé ar ais chun na bpríosúnach eile tar éis tamaill, agus míníonn cad a chonaic sé dóibh. Níl siad in ann glacadh leis an eolas sin, áfach, mar go bhfuil a chuid smaointe bunaithe go hiomlán ar a gcuid gnásanna féin. Tá na príosúnaigh eile níos compordaí leis an domhan a bhfuil taithí acu air cheana féin.