An Mhucais

An Mhucais

Cineál	Sliabh
Suíomh
Stát ceannasach	Éire
Cúige Éireannach	Cúige Uladh
Contae in Éirinn	Contae Dhún na nGall
55.1056°N 7.9945°W / 55.1056; -7.9945
Sliabhraon	Sléibhte Dhoire Bheatha
Tréithe
Starraiceacht	522 m
Airde	666 m

Is sliabh í an Mhucais atá suite i gContae Dhún na nGall. Tá airde 666m aici; mar sin, is í an 3ú sliabh is airde i gCnoic Dhoire Bheatha, agus an 163ú sliabh is airde in Éirinn. Is í an Mhucais fosta an bhinn is faide thuaidh agus an 2ú bhinn is airde sa tsraith sléibhte a dtugtar 'na Seachtar nDeirfiúr' uirthi.

Forbhreathnú

Bhaintí gaineamh grianchloiche ar ardchaighdeán as cliatháin an tsléibhe; feictear iarsmaí na n-oibreacha cairéil ar a taobh thuaidh. Is bealach chun bharr an tsléibhe é 'Bealach an Mhianadóra', bealach a leanann cuid den chosán a d'úsáideadh na hoibrithe leis na cairéil a ráiniú. D'onnmhairítí an gaineamh agus d'úsáidtí é den chuid is mó i ndéantas na gloine optúla. Tosaíonn slí níos fusa chun na stuaice i Mám na Mucaise ar thaobh theas an tsléibhe.

Droichead na nDeor, agus bun na Mucaise le feiceáil sa chúlra

Leac cuimhneacháin do na himircigh a d'fhág Cloch Cheann Fhaola thar Dhroichead na nDeor.

Is iad an Fál Carrach, Dún Fionnachaidh, an Craoslach, agus Maigh Ráithe na bailte is cóngaraí leis an Mhucais. Is ar thaobh an Fháil Charraigh atá Mám na Mucaise, áit a bhfuil Droichead na nDeor, droichead a ainmníodh amhlaidh mar gur thrasnaigh na mílte eisimirceach as Chloch Cheann Fhaola an droichead seo agus iad ar a mbealach chun an tír a fhágáil. Ag tús na 20ú haoise, tháinig an file Percy French chun an cheantair, áit ar obair sé mar chigire caidhséar, agus le linn dó a bheith ag fanacht in óstán san Fhál Charrach, scríobh sé an dán "An Irish Mother" (Máthair Éireannach).