An Ghainséis
Abhainn i ndeisceart na hÁise is ea an Ghainséis nó an Ganges. Is í an abhainn is mó i bhfo-ilchríoch na hIndia í. Ritheann sí tríd an India agus an Bhangladéis.
Tá sí 2510km ar fhad. Tá an fhoinse le fáil in iarthar na Himiléithe i stát Uttarakhand agus sníonn sí go deilt Sunderbans i mBá Bheangá. Dar leis na Hiondúigh, is bandia í an Ghainséis, an abhainn is naofa dá bhfuil ann. Tá sí tábhachtach ó thaobh na staire de freisin agus tógadh príomhchathracha cúigí agus impireachtaí amhail Patliputra, Kannauj, Kara, Allahabad, Murshidabad agus Calcutta) cois Ganges.
Is í an Ghainséis "abhainn náisiúnta" na hIndia.[1]
Sa bhliain 1946 labhair Jawaharlal Nehru faoi mhíniú siombalach na habhann in Discovery of India.
Is fadhb mhór don abhainn é trualliú. Bagraíonn sé seo ar an duine, ar na speicis éisc agus ar na speicis amfaibiach san abhainn. Tá céad n-oiread leibhéil truaillithe ann leis an teorainn rialtais.