An Gael (iris as Meiriceá)
| Cineál | Iris liteartha |
|---|---|
| Cárta innéacs | |
| Am tosaigh | 2009  |
| Bunaitheoir(í) | Cumann Carad na Gaeilge |
| Áit a fhoilsithe | Nua-Eabhrac |
| Tréith | |
| Eatramh foilsithe | Ráitheachán |
| Príomheagarthóir | Séamas Ó Neachtain |
| Eagrán | 67+ |
| Formáid dáilte | I gcló agus ar líne |
| Suíomh | angaelmagazine.com |
Is irisleabhar “idirnáisiúnta” Gaeilge é An Gael, a fhoilsítear in Long Island i stát New York, faoi choimirce Chumann Carad na Gaeilge.[1] Foilsítear uair sa ráithe é.
Dáileadh
[cuir in eagar | athraigh foinse]Léann an chuid is mó de na daoine An Gael ar an idirlíon. Dúirt an an t-eagarthóir Séamus Ó Neachtain go raibh síntiús ag tuairim is 15 duine sa bhliain 2019/2020. Ceannaítear an iris uaidh féin in New York, agus tá an iris le fáil i siopaí áirithe – Litriocht.com ina measc. Léann an chuid is mó de lucht léite An Gael an iris ar líne, áfach, tríd an suíomh irisí MagCloud.[2]
Is féidir An Gael a léamh ar líne agus tig le síntiúsóirí é a fháil i bhfoirm chlóite. Maítear gur "irisleabhar lán-Ghaeilge idirnáisiúnta" é agus iarrtar ábhar ar scríbhneoirí Gaeilge ar fud an domhain.
Stair
[cuir in eagar | athraigh foinse]Ba mar nuachtán a tosaíodh An Gaodhal, réamhtheachtaí An Gael, sa bhliain 1879.[3] Mícheál Ó Lócháin, as Gaillimh, a thosaigh an t-irisleabhar dátheangach míosúil sin agus a bhí ina eagarthóir air go dtí a bhás in 1899. Mhair an leagan sin den iris deich mbliana eile nó mar sin. Bhíodh na hailt i mBéarla agus i nGaeilge.[4]
Rinneadh cúpla iarracht An Gaodhal a athbheochan in imeacht na mblianta ó 1909 go 2009. Ach ní go dtí gur athbhunaíodh Cumann Carad na Gaeilge i lár na 2000idí a tugadh faoin iarracht arís i gceart. Athbhunaíodh é nuair a bhí an Cumann féin á athchóiriú mar eagraíocht a thabharfadh faoi chur chun cinn na Gaeilge i gceart feasta.[5] Bhunaigh Séamas Ó Neachtain é sa bhliain 2009.
Tá An Gael, mar a thugtar anois ar an bhfoilseachán, á chur amach uair sa ráithe ó shin.
Féach freisin
[cuir in eagar | athraigh foinse]Naisc sheachtracha
[cuir in eagar | athraigh foinse]Tagairtí
[cuir in eagar | athraigh foinse]- ↑ Maitiú Ó Coimín (2021). "An 50ú heagrán á cheiliúradh ag ‘An Gael – Irisleabhar Idirnáisiúnta na Gaeilge’". NÓS. Dáta rochtana: 2021-09-15.
- 1 2 An Gael (Fómhar 2021). "Fómhar 2021" (ga). MagCloud. Dáta rochtana: 2021-09-15.
- ↑ angaelmagazine.com (2021). "Stair". www.angaelmagazine.com. Dáta rochtana: 2021-09-15.
- ↑ Éanna Ó Caollaí (3 Feabhra 2026). "An Gaodhal – an chéad nuachtán Gaeilge riamh". The Irish Times.
- ↑ "Cumann Carad Na Gaeilge -Stair / The Philo-Celtic Society - History". www.philo-celtic.com. Cartlannaíodh an bunleathanach ar 2021-03-09. Dáta rochtana: 2021-09-15.