Amongst Women
| Cineál | saothar scríofa  |
|---|---|
| Cárta innéacs | |
| Údar | John McGahern |
| Teanga | Béarla |
| Foilseachán | Éire, 1990 |
| Foilsitheoir | Faber agus Faber |
| Tréith | |
| Seánra | úrscéal |
| Suíomh scéalaíochta | Éire |
| Gradam a fuarthas | |
| Ainmnithe do | Duais Booker |
Úrscéal leis an scríbhneoir Éireannach John McGahern (1934-2006) is ea Amongst Women (Gaeilge:Idir Mhná). An t-úrscéal is cáiliúla de chuid McGahern, meastar freisin go bhfuil sé ina shárshaothar..
Arna fhoilsiú ag Faber and Faber, insíonn an t-úrscéal scéal an Mhóránaigh (Michael Moran), iarshaighdiúir searbh d'Óglaigh na hÉireann atá ag dul in aois, agus a bhean chéile agus leanaí a bhí faoi réir a ansmacht, a bhfuil grá agus eagla orthu araon ait. Bhí sé ar an ngearrliosta do Dhuais Booker 1990 agus bhuaigh sé Gradam Liteartha an Irish Times / Aer Lingus i 1991.
Réamhrá an phlota
[cuir in eagar | athraigh foinse]Tá an t-úrscéal suite i gContae Liatroma i lár ceantair tuaithe ina hÉireann. Cuimsíonn an scéal tréimhse fiche bliain i lár an fhichiú haois. Díríonn sé ar an sean-phoblachtánach Micheál Ó Móráin (Michael Moran), ceannaire an teaghlaigh agus iarbhall d'Óglaigh na hÉireann, a bhí ina oifigeach agus ina threallchogaí i gCogadh na Saoirse agus i gCogadh Cathartha na hÉireann sna 1920idí. Cé go bhfuil meas mór ar an Mhóranach ina phobal agus ina Chaitliceach cráifeach, tá taobh cruálach, foréigneach agus rialaithe dá charachtar. Tá tionchar an-mhór aige ar shaol a dhara bean Róise (Rose), agus a chúigear leanaí. Déanann a leanaí a ndícheall a saol féin a bhunú agus iad fós dílis don teaghlach. Insítear an chuid is mó den scéal trí úsáid a bhaint as spléachtaí siar, mar a dhéanann iníonacha an Mhóránaigh iarracht Lá Mhuineacháin a athchruthú dá n-athair scothaosta agus faoi ghruaim, toisc gurbh é an lá a raibh an chuma air i gcónaí go raibh sé i mbarr a mhaitheasa .
Míniú ar theideal an úrscéil
[cuir in eagar | athraigh foinse]Is féidir an teideal a léirmhíniú ar dhá bhealach. Ar dtús, tagraíonn an teideal do theaghlach an Mhóránaigh a bhí baineannachb den chuid is mó, agus díríonn cuid mhaith den leabhar ar an gcaidreamh forlámhasach idir an Móránach patrarcach agus na mná timpeall air. Tagraíonn an teideal freisin don phaidir thraidisiúnta, 'Sé do Bheatha, a Mhuire, ina bhfuil an clásal "beannaithe tusa i measc na mban". Tá an phaidir seo suntasach mar is cuid den Phaidrín í, a guitear gach lá i dteaghlach Uí Mhóráin, agus is móitíf athfhillteach é an ócáid ar fud an úrscéil. athfhilltear is móitíf athfhillteachí í an ócáid ar fud an úrscéil.