Óige Ghlas
| Sonraí | |
|---|---|
| Cineál | Comhaontas Glas  |
| Stair | |
| Dáta a bunaíodh | 2002 |
| Gníomhaíocht | |
| Ball de | Federation of Young European Greens (en)  |
| Rialachas corparáideach | |
| Ceanncheathrú | |
| Suíomh gréasáin | https://www.younggreensireland.ie https://younggreens.ie/ |
  | |
Is í Óige Ghlas (Young Greens as Béarla) eagraíocht na n-óg ag an gComhaontas Glas in Éirinn.
Stair
[cuir in eagar | athraigh foinse]Bunaíodh í i Márta 2002. Ar an mórchuid, bíonn an eagraíocht seo ag díriú ar shuim sa pholaitíocht ghlas a spreagadh i measc mhic léinn na n-ollscoileanna, chomh maith len iad a earcú don pháirtí. Bunaíodh an eagraíocht sna ceithre phríomhchampas ar dtús, ach tá sí i ndiaidh scaipeadh amach de réir a chéile go dtí institiúidí tríú leibhéal eile faoin am seo.
Agus Mí na Nollag 2007 ann, tá cumainn de chuid Óige Ghlas le fáil in ocht n-ollscoil, mar atá, UCC, UCD, TCD, NUIG, NUIM, DLIADT, UL, IT Leitir Ceanainn agus Ollscoil na Banríona, Béal Feirste.
Gníomhaíochtaí
[cuir in eagar | athraigh foinse]Bhí an eagraíocht páirteach i bhfeachtais pholaitiúla éagsúla go dtí seo. Ina measc bhí an feachtas i gcoinne an chogaidh san Iaráic, chomh maith le feachtais tacaíochta ar son Phrótacal Kyoto agus ar son na Cóirthrádála. In éineacht leis sin, bíonn feachtasaíocht ar siúl acu ar son cearta daonna, cosaint na timpeallachta agus maoiniú breise don oideachas. Bíonn an eagraíocht ag feidhmiú ar bhonn náisiúnta agus áitiúil araon.
Struchtúr
[cuir in eagar | athraigh foinse]Tá ocht bpost [1] ar fheidhmeannas na heagraíochta, is iad sin:
- Cathaoirleach
- Rúnaí
- Cisteoir
- Oifigeach Cumarsáide
- Oifigeach Feachtas
- Comhordaitheoir Polasaithe
- Oifigeach Teagmhála Idirnáisiúnta
- Oifigeach um Fhairsingiú
Tagairtí
[cuir in eagar | athraigh foinse]- ↑ "Cóip cartlainne". Cartlannaíodh an bunleathanach ar 2008-01-22. Dáta rochtana: 2008-01-04.