Óglaigh Phrotastúnacha Uladh
 "Ar Son Dé agus Uladh" an mana a bhí ag an Ó.P.U.  | |
| Sonraí | |
|---|---|
| Cineál | feadhain mhíleata |
| Foirm dlí | |
| Dáta a bunaíodh | 1966 |
Buíon pharaimíleatach dílseoirí ab ea Óglaigh Phrotastúnacha Uladh, Ó.P.Ú. (Ulster Protestant Volunteers, UPV, i mBéarla). Chuir Ian Paisley agus polaiteoirí aontachtacha eile ar bun í sna 1960í chun brú a chur ar Terence O'Neill, Príomh-aire Thuaisceart Éireann, stad a chur ar na leasuithe a bhí idir lámha aige. Bhí siad faoi smacht Choiste Cosanta Bhunreacht Uladh (Ulster Constitution Defence Committee, UCDC), a bhí faoi cheannas Paisley.
Thosaigh an Ó.P.Ú. ar fheachtas buamála sa bhliain 1969. Phléasc buamaí ar an 30 Márta, agus 4, 20, 24 agus 26 Aibreán chun brú a chur ar rialtas Terence O'Neill. Thit an locht ar an IRA ar dtús.
D'éirigh leis an Ó.P.Ú. rialtas O'Neill a thabhairt síos. Thóg na baill páirt freisin sna mórshiúlta a d'eagraigh Paisley i gcoinne na mórshiúlta de chuid Ghluaiseacht na gCearta Sibhialta, á n-ionsaí go minic.
"Ar Son Dé agus Uladh" an mana a bhí acu. Bhí a lán de na hÓglaigh ina mbaill d'Óglaigh Uladh chomh maith.
 | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |