Stoirm Daniel
| |||||
| |||||
| Cineál | Mediterranean tropical cyclone (en)  tuile  | ||||
|---|---|---|---|---|---|
| Cuid de | 2023 floods in Europe (en) agus 2022–23 European windstorm season (en) | ||||
| Tréimhse | 4 - 13 Meán Fómhair 2023 | ||||
| Dáta na bliana | Meán Fómhair 2023 | ||||
| Suíomh | an Ghréig, An Ghréig an Bhulgáir, An Bhulgáir an Tuirc, An Tuirc an Libia, An Libia Málta an Iodáil, An Iodáil | ||||
| Tír | an Libia, an Tuirc, an Bhulgáir agus an Éigipt | ||||
| Gaotha marthanacha uasta | 85 km/h | ||||
| Líon básanna | 5,300 | ||||
| Líon gortaithe | 7,000 | ||||
| Líon ar iarraidh | 10,000 | ||||
Bhuail Stoirm Daniel an Mheánmhuir ar 4 Meán Fómhair 2023. Buaileadh an Gréig, an Bhulgáir, an Tuirc, Málta agus an Iodáil.[1] Ach tharla an scrios is measa sa Libia ar 10 Meán Fómhair de thoradh titim throm báistí. Bhí an fhearthainn ar scála nach bhfacthas riamh cheana. Réabadh dambaí móra agus bhuail tuilte móra an tír.[2]
Fuair breis is 10.000 duine bás sa Libia, is cosúil agus b'fhéidir níos mó.[3]
.jpg)
Libia[cuir in eagar | athraigh foinse]
Tar éis lascadh a thabhairt don Ghréig ar 4-6 Meán Fómhair, tháinig Stoirm Daniel ag réabadh anoir ón Meánmhuir ar 10 Meán Fómhair. Bhí an chathair Derna, calafort in oirthear na tíre, mar a bheadh sí buailte ag súnámaí.[4] Bhí cuid mhór de Derna, mar a bhfuil 100,000 duine ina gcónaí, faoi uisce ó thit dhá dhamba agus ceithre dhroichead ann. Chuaigh aibhneacha sa cheantar thar a mbruacha de bharr na díle báistí. Bhí an ceathrú cuid de Derna faoi uisce agus ceantair iomlána scuabtha ar shiúl sna tuilte. Rinneadh tithe a leagan agus a scuabadh chun bealaigh. Tharla sciorradh láibe de dheasca na díle báistí. Bhí feithiclí caite chuile áit, tithe faoi uisce, crainnte leagtha, srl.[5]
Ar na cathracha eile is measa a bhuail an stoirm, bhí Benghazi, Soussa agus Al-Marj.[4] Bhí ceantair iomlána faoi uisce sna cathracha seo chomh maith.
Cúlra[cuir in eagar | athraigh foinse]
D'imigh an tír le hainrialtacht sa bhliain 2011. Agus bhí an ainriail i réim sa tír fós nuair a bhuail Stoirm Daniel. Bhí an Libia scoilte ina dhá leath ag an am, Bhí an taobh thoir (ina bhfuil Derna) faoi riail éagsúil pholaitiúil ó iarthar na tíre, réigiún a bhfuil Tripilí agus an rialtas "oifigiúil". Tá stádas idirnáisiúnta ag an Rialtas thiar i Tripilí. Cé nach bhfuil aon smacht ag an rialtas seo ar an taobh thoir, bhí ábhar fóirithinte seolta acu go Derna.[5]
Féach freisin[cuir in eagar | athraigh foinse]
Tagairtí[cuir in eagar | athraigh foinse]
- ↑ "Storm Daniel leads to extreme rain and floods in Mediterranean, heavy loss of life in Libya" (en). public.wmo.int (2023-09-12). Cartlannaíodh an bunleathanach ar 2023-09-14. Dáta rochtana: 2023-09-12.
- ↑ "More than 5,300 are feared dead, thousands more are missing as eastern Libya is devastated by floods" (en). AP News (2023-09-12). Dáta rochtana: 2023-09-12.
- ↑ "Libya: Derna Flood Response Costs Lives | Human Rights Watch" (en) (2023-12-06). Dáta rochtana: 2023-12-28.
- ↑ 4.0 4.1 "10,000 duine ar iarraidh sa Libia i ndiaidh tuilte móra, ceantair iomlána faoi uisce" (ga-IE). Tuairisc.ie (2023-09-12). Dáta rochtana: 2023-09-12.
- ↑ 5.0 5.1 Nuacht RTÉ (2023-09-12). "Líon ollmhór marbh sa Libia - An Corrán Dearg" (as ga).