Nelson Mandela

Ón Vicipéid, an chiclipéid shaor.
Nelson Mandela
Nelson Mandela-2008 (edit).jpg
Mandela sa bhliain 2008

11ú Uachtarán na hAfraice Theas
In oifig
27 Aibreán 1994 - 14 Meitheamh 1999
Réamhtheachtaí: F.W. de Klerk (mar Staatspresident)
Comharba: Thabo Mbeki

Dáta breithe 18 Iúil 1918
  Mvezo, An Afraic Theas
Dáta báis 5 Nollaig 2013
  Johannesburg, An Afraic Theas
Páirtí ANC
Céile Colscartha (Winnie Mandela)
Suíomh gréasáin www.nelsonmandela.org
Síniú
Nelson Mandela Signature.svg

Polaiteoir as an Afraic Theas ab ea Nelson Rolihalahla Mandela (rugadh é ar an 18 Iúil, 1918 - 5 Nollaig, 2013), agus ba eisean an chéad uachtarán a toghadh sa tír seo i dtoghchán lán-daonlathach. Roimhe seo, ba ghníomhaí frithApairtéid é, a bhí ina cheannaire ar an gComhar Náisiúnta Afracach. Chaith Mandela an tréimhse idir na blianta 1962 agus 1990 i bpríosún ar Oileán Robben.

Bhain Mandela, nó Madiba mar a thugtar air freisin san Afraic Theas, Duais Nobel na Síochána amach sa bhliain 1993.

A shaol[athraigh | edit source]

Sa bhliain 1948 bhí toghchán ann , am a raibh Apairtéid fós i bhfeidhm, agus ní raibh cead vótála ag na daoine gorma. Bhí an chumhacht ag na daoine geala. Thuig Nelson go raibh sé seo mícheart. Ag an am sin ní raibh cead ag daoine gorma agus daoine geala pósadh. Bhí bac ar rudaí ar nós na suíocháin chéanna a úsáid.

Ag an gcoláiste bhuail Nelson le daoine bána. Bhuail sé le Joe Slovo, Walter Sisulu agus Oliver Tambo, daoine a raibh smaointe céanna acu agus a bhí ag Nelson féin. Theastaigh uathu na dlíthe diana seo a athrú chomh maith. Sa bhliain 1953 thosaigh Nelson agus Oliver ag cleachtadh na dlí ach níor leor é sin dó. Theastaigh uaidh rud éigean eile a dhéanamh.

Chuaigh Nelson agus a chairde ar stailc sa bhliain 1960 i Johannesburg agus dá bhrí sin cuireadh Nelson ar triail don chéad uair, ach níor tugadh aon phionós dó. Sa bhliain 1962 cuireadh ar triail arís é. Chaith sé fionnadh liopaird chuig an chúirt agus rinne sé ‘salute’ go dtí na daoine gorma agus scread amach ‘amadla’.

Cuireadh Mandela faoi ghlas ón mbliain 1962 go dtí 1990. Chuaigh sé ar ais go dtí an chúirt sa bhliain 1964. Dúirt sé go raibh an rialtas freagrach ar na rudaí dona a bhí ag tarlú sa tír. Cuireadh ar ais sa phríosún é. An uair seo ar feadh a shaoil. Chaith sé an chuid is mó den am i seomra beag amháin, ar Oileán Robben. Scaoileadh ón bpríosún é i Mí Feabhra sa bhliain 1990.

Dealbh i Londain.

Ar 27 Aibreán 1994 tháinig daoine geala agus gorma le chéile agus vótáil siad Nelson mar uachtarán na hAfraice Theas. Ba é Mandela an chéad uachtarán ar an tír a toghadh i dtoghchán daonlathach. Uachtarán rathúil ab ea é ach níor ghlac sé páirt sa toghchán sa bhliain 1999 mar theastaigh uaidh go mbeadh duine níos óige mar uachtarán.