Naomh Séamus, mac Zeibidé

Ón Vicipéid, an chiclipéid shaor.
Naomh Séamus, mac Zeibidé (le Rembrandt Harmenszoon van Rijn)

Duine den Dáréag Aspal Íosa ba ea Naomh Séamus, mac Zeibidé. Tugtar Séamus Mór air toisc go raibh Séamus eile i measc an Dáréag, Séamus, mac Alfaeus (Séamus Beag).

Saol[athraigh | edit source]

Ba mhac Zeibidé agus Salómae é Séámas Mór. Níl a fhios againn faoi thús a shaol. Bhí sé ina dheartháir do Naomh Eoin. Is dócha go raibh Séamas níos sine ná a dheartháir. Bhi Zeibidé ina iascaire agus seans gur chónaigh sé i mBéatsáide (Eoin 1:44) nó i gCafarnáúm. Bhí roinnt fear ag obair dhó (Marcus 1:20). Ba bhean chráifeach í Salómae agus bhí sí mar bhall de lucht leanúna Íosa Críost (Matha 27:55,; Marcus 15:40, 16:1; Lúcás 8:2, 23:55-24:1). Shíltear nách bhfuair Séamas ná Eoin a gcuid oideachais i scoil raibíneach. Dá bharr sin, ní raibh siad aitheanta mar fhir oilte leis na Giúdaigh. Is cosúil gur bhfuair siad an caighdeán céanna oideachais a fuair daoine eile ina n-aicme, is é sin an gnáthoideachas Giúdach. Deirtear gur b'fhéidir go raibh na deartháireacha ina gcol ceathracha do Íosa Criost ach tá sé amhrasach. Bhí muintir na Gailíle cráifeach, crua, dícheallach, cróga agus b'iad na cosantóirí ab fhearr den náisiúin Giúdach.