Kathleen Lonsdale

Ón Vicipéid, an chiclipéid shaor.

Criostalagrafadóir a rugadh i nDroichead Átha ab ea Kathleen Lonsdale (née Yardley) (1903-1971). Rinne sí taighde le William Bragg san Institiúid Ríoga i Londain. Rinne sí struchtúir móilíní an-mhóra amach, ag baint feidhme as díraonach X-ghathach agus anailís Fourier. Chuir torthaí an taighde seo taca láidir faoi choincheap na bhfithiseán móilíneach sa cheimic orgánach. Toghadh í ina comhalta den Chumann Ríoga i 1945, an chéad bhean a toghadh.