Ebola

Ón Vicipéid, an chiclipéid shaor.

Níl aon leigheas ar na galair a tharlaíonn de bharr an víris seo. Tagann galar fuilreatha ar dhuine ionfhabhtaithe, agus faigheann 90% de na híobartaigh bás. Déanann sé a bhealach isteach i gcolainn duine trí sheile, fuil (trí athúsáid steallairí go minic san Afraic) nó sreabháin eile. Ar dtús, is iad tinneas cinn is ardteocht siomptóim an ghalair. De réir a chéile ionfhabhtaíonn na víris an t-ae, na duáin, is na fuileadáin féin. Milleann na víris coirt inmheánach na bhfuileadán, a éiríonn póiriúil, sceitheann an fhuil amach, agus titeann na fíocháin ó chéile. Tarlaíonn sé go minic san Afraic.