Arnold Schwarzenegger

Ón Vicipéid, an chiclipéid shaor.
Arnold Schwarzenegger (2010)

Is aisteoir agus polaiteoir i Stáit Aontaithe Mheiriceá é Arnold Alois Schwarzenegger (a rugadh ar an 30 Iúil, 1947). An 38ú Gobharnóir California a bhí ann. As an Ostair is ea é, agus bhí cáil bainte amach aige mar chorpfhorbróir agus mar aisteoir sula ndeachaigh sé isteach sa pholaitíocht mar iarrthóir an Pháirtí Poblachtaigh do phost ghobharnóir Chalifornia. Thosaigh Schwarzenegger a chéad théarma ar 7 Deireadh Fómhair 2003, agus thosaigh sé a dhara théarma san oifig ar an 5 Eanáir, 2007. Tháinig Jerry Brown, ball den Pháirtí Daonlathach, ina dhiaidh sa phost sin sa bhliain 2011. Tá Schwarzenegger pósta le Maria Shriver, neacht le John F. Kennedy, ach tá colscaradh ar lorg acu i ndiaidh caidreamh le bean eile a bheith nochtaithe. Saolaíodh mac as an gcaidreamh céanna.

Rugadh Schwarzenegger i dThal bei Graz, san Ostair. Bhí rath nach beag aige mar chorpfhorbróir. Ansin, chuaigh sé go Hollywood, California chun aisteoireacht a dhéanamh, i scannáin aicsin go minic. I measc na scannán cáiliúil atá déanta aige tá The Terminator, Predator, True Lies, Kindergarten Cop, Total Recall, agus Conan the Barbarian.