Yongle

Ón Vicipéid, an chiclipéid shaor.
Jump to navigation Jump to search
An tImpire Yongle

An tríú himpire de chuid an rítheaghlach Ming sa tSín ab ea an tImpire YongleMing Chengzu (2 Bealtaine 136012 Lúnasa 1424). Zhu Di a ainm pearsanta (is é Zhu a shloinne). Rugadh in Yingtian nuair a bhí an Rítheaghlach Yuan (is é sin réimeas na Mongólach) i réim go fós. Bhí sé ina impire sna blianta 1402–1424. Fuair sé bás in Yumuchuan san Ion-Mhongóil agus é ina impire ar an tír.

An 4ú mac ag an Impire Hongwu a bhí in Zhu Di. Tháinig Zhu Yunwan, nia le Hongwu, i gcomharba ar Hongwu nuair a fuair sé seo bás, ach nuair a thosaigh sé ag marú a chuid uncailí thapaigh Yongle an deis chun teideal an impire a bhaint amach dó féin, rud a rinne sé. Nuair a chuir na scoláirí-mhaorlathaigh sa tSín ina choinne (mar cheap siad nach raibh sé i dteideal na ríchathaoireach), chuir sé roinnt díobh agus a gclann chun báis agus, agus d'atheagraigh sé an córas scrúdaithe trínar earcaíodh oifigigh na himpireachta chun iad a choinneáil faoi smacht.

Bhí oideachas den scoth faighte ag Yongle agus é óg. Tógadh an Túr Poircealláin in Nanjing le linn réimeas Yongle, agus ba faoi Yongle freisin a tiomsaíodh an Chiclipéid Yongle. Faoi Yongle a rinne Zheng He a dturais thaiscéalaíochta luatha fud an Aigéin Indiaigh. Fuair Yongle bás agus é i gceannas ar shluaíocht mhíleata i gcoinne na Mongólach.

An Túr Poircealláin in Nanjing, a tógadh faoin Impire Yongle agus a áiríodh uaireanta mar cheann de iontaisí an Domhain san am. Scrios na reibiliúnaigh Taiping é sna 1850idí.
Tuama Yongle ag Changling