Victor Frantz Hess

Ón Vicipéid, an chiclipéid shaor.

Fisicí a rugadh i Waldstein na hOstaire ab ea Victor Frantz Hess (1883-1964). Thóg sé soithigh ianúcháin suas i mbalúin leis (1911-1912) agus fuair amach gur mhéadaigh an déine radaíochta de réir na hairde san atmaisféar. Chruthaigh sé gur tháinig an radaíocht ardfhuinnimh ón spás amuigh, gur radaíocht chosmach í. Chabhraigh sé le ráta astaithe alfacháithníní ó ghram raidiam a thomhas i 1918. Roinn sé Duais Nobel sa bhfisic le Carl Anderson i 1936 as a shaothar bunúsach ar ghathanna cosmacha.