Tamminiemi

WD Bosca Sonraí Foirgneamh Tamminiemi
Sonraí
Cineál	Foirgneamh, músaem, foirgneamh cónaithe, villa, músaem tí, main house (en) , foirgneamh rialtais agus músaem
Cuid de	Meilahti Villa Area (en) agus Músaem Náisiúnta na Fionlainne
Ailtire	Sigurd Frosterus Gustaf Strengell
Foirgníocht	1904 1903 11 Meitheamh 1903
Dáta na hoscailte oifigiúla	1986
Úsáid	músaem, áras oifigiúil agus sheltered housing (en)
Tréith
Stíl ailtireachta	Art Nouveau
Suíomh geografach
Limistéar riaracháin	Heilsincí, An Fhionlainn
Suíomh	Seurasaarentie 15
60° 11′ 22″ N, 24° 52′ 59″ E
Codanna	Tamminiemi (en)
Building protected by city plan (en)
Am	14 Meitheamh 1985
Building protected by Decree 480/85 in Finland (en)
Gníomhaíocht
Úinéir	Government of Finland (en) (1940–1987) Músaem Náisiúnta na Fionlainne (1987–)
Sealbhóir	Risto Ryti (1941–1944) C. G. E. Mannerheim (1944–1946) Urho Kekkonen (1956–1986)
Suíomh gréasáin oifigiúil	kansallismuseo.fi…

Tamminiemi, Meilahti, Heilsincí

Teach mór i Meilahti, Heilsincí, is ea Tamminiemi, nó Villa Ekudden as Sualainnis. Ciallaíonn "Tamminiemi" nó "Ekudden" Ros na Darach. Ba iad na hailtirí Sigurd Frosterus agus Gustaf Strengell a dhear é i stíl jugend, agus tógadh sa bhliain 1904 é. Tá an teach suite in áit álainn cois farraige, agus é timpeallaithe ag gairdín mór. Ba le muintir Nissen, teaghlach trádála, an teach ar dtús, ach ina dhiaidh sin, chuaigh sé ó dhuine go duine, go dtí gur bhronn Amos Anderson, fear gnó agus mórurraí is maoinitheoir ealaíon, ar an stát é sa bhliain 1940. Is leis an Uachtarán Urho Kekkonen a shamhlaítear an teach inniu, agus músaem ag obair sa teach atá tiomnaithe do Kekkonen agus dá oidhreacht.

Ba iad Risto Ryti agus C. G. E. Mannerheim na hUachtaráin a bhain úsáid as Tamminiemi roimh Kekkonen. Maidir le Juho Kusti Paasikivi, a bhí ina Uachtarán deireanach roimh Kekkonen, b'fhearr leis Caisleán an Uachtaráin i lár na cathrach. Thug Kekkonen taithneamh don teach, áfach, agus chuir seisean faoi i dTamminiemi. Cuireadh bail ar an teach, agus tógadh sabhna adhmaid ar an gcladach in aice leis. Chaitheadh Kekkonen an chuid ba mhó dá am i dTamminiemi nuair nach raibh dualgaisí air taobh amuigh den chathair, agus ba mhinic a thagair na nuachtáin do Kekkonen mar "Tamminiemi". Ba mhinic a d'fháiltigh sé ealaíontóirí agus fiú radacaigh óga go Tamminiemi sna seascaidí, nuair a theastaigh uaidh iad a cheangal den chóras polaitiúil, agus thagadh a chuid seanchairde ar cuairt le folcadh sabhna a fháil i dteach an Uachtaráin. Bhí an tUachtarán agus a bhean chéile ina léitheoirí móra, agus bhailigh siad leabharlann as an ngnáth.

Sa bhliain 1980, d'fhoilsigh an tUachtarán Kekkonen leabhar beag faoin teideal "Tamminiemi", inar leag sé síos a chuid príomhphrionsabal mar pholaiteoir. Dearctar ar an leabhrán mar "thiomna polaitiúil". Nuair a theip a shláinte ar an Uachtarán, i gcruth is gur éirigh sé as, ceadaíodh dó fanacht i dTamminiemi go deireadh a shaoil, agus b'ansin a fuair sé bás sa bhliain 1986. I ndiaidh a bháis, hiompaíodh an teach ina mhúsaem, agus bhronn muintir Kekkonen cuid mhaith den troscán ar an músaem leis an atmaisféar ceart a chinntiú.

Sa bhliain 1993, tógadh áras nua Uachtaráin i Meilahti, agus níl sé suite i bhfad ó Tamminiemi. In aithris ar Tamminiemi, tugadh Mäntyniemi, nó Talludden as Sualainnis, ar an áit nua - "Ros na Giúise" is brí leis.