Raidió na Life

Ón Vicipéid, an chiclipéid shaor.
Jump to navigation Jump to search

Is stáisiún raidió Gaeilge é Raidió na Life, suite i mBaile Átha Cliath, ar 63-66 Sráid Amiens, Baile Átha Cliath 1. Tá an stáisiún pobail lán-Ghaeilge seo ag craoladh ó Fhómhar na bliana 1993. Bhí an stáisiún lonnaithe i gCearnóg Mhuirfean go dtí gur bhog an stáisiún in éineacht le Foras na Gaeilge chuig áras nua ar Shráid Amiens i mí Dheireadh Fómhair 2017.

Craolann an stáisiúin ó 7am go 4am ó Luan go hAoine agus 24u sa lá ag an deireadh seachtaine.

Tá sceideal an stáisiúin mar aon le eolas cuimsitheach ar fáil ar an suíomh idirlíon www.raidionalife.ie atá acu agus is féidir éisteacht le beoshruthú ar an idirlíon. Tá an stáisiún ar fáil ar an Seinnteoir Raidió (Aip) chomh maith.

Stair[cuir in eagar | athraigh foinse]

Bunaíodh Comharchumann Raidió Átha Cliath Teoranta (CRÁCT) ar 4 Iúil 1989 mar eagraíocht neamhbhrabúsach chun seirbhís chuimsitheach chraolacháin a sholáthar do mhórcheantar Bhaile Átha Cliath ar bhonn oideachasúil agus pobail.

Ar an 25 Meán Fómhair 1993, thosaigh Raidió na Life ag craoladh don chéad uair. Tá Raidió na Life, á reáchtáil ag CRÁCT le ceadúnas ó Údarás Craolacháin na hÉireann ó 1993 i leith. Bhí athnuachan bronnta ar an gceadúnas ag Raidió na Life ar feadh deich mbliana eile ó Eanáir na bliana 2017.

Daoine[cuir in eagar | athraigh foinse]

De dheasca nádúr deonach na hoibre a dhéantar i Raidió na Life, chaith na céadta láithreoirí, iriseoirí, teicneoirí, agus taighdeoirí am ag obair ann thar na blianta.

Ba ea Rónán Ó Dubhthaigh bainisteoir an stáisiúin ar dtús. Ó 2007 is é Muiris Ó Fiannachta bainisteoir an stáisiúin.

I measc na gcraoltóirí cáiliúla a thosaigh a gcuid craoltóireachta sa stáisiún uirbeach Gaeilge tá Sharon Ní Bheoláin agus Sinéad Crowley ó Nuacht RTÉ, Aileen Gormley ó Lyric FM, Tom Ó Brannagáin ó 98 FM agus go leor craoltóirí agus iriseoirí eile freisin.

Gradaim[cuir in eagar | athraigh foinse]

Tá go leor gradaim agus duaiseanna bainte ag Raidió na Life thar na blianta. Ina measc tá Gradam Bhord na Gaeilge 1999, Gradam na hAislinge 2003, Duaiseanna Oireachtas na Gaeilge, Eachtraí Nua sa Chraoltóireacht 2000/2005 agus gradam Stáisiún Raidió na Bliana ag an Fhéile na Meán Ceilteach in 2013. Le déanaí, faigheann an stáisiún maoiniú faoi scéim Sound & Vision an BAI.

Tagairtí[cuir in eagar | athraigh foinse]

Is féidir teagmháil a dhéanamh leis an stáisiún ag 01 6616333 nó téacs a sheoladh chucu ag 086 6001064.

Féach freisin[cuir in eagar | athraigh foinse]