Róisín Bean Mhic Dhonnchadh
| Beathaisnéis | |
|---|---|
| Bás | 1968 Nua-Eabhrac, New York  |
| Gníomhaíocht | |
| Gairm | taidhleoir, scríbhneoir |
Taidhleoir agus scríbhneoir Éireannach a bhí in Róisín Bean Mhic Dhonnchadh (Róisín Ní Dhochartaigh roimh phósadh di agus PD Linín a hainm pinn). (O'Doherty roimh phósadh di). Scríobh sí sraith faoin mbleachtaire Maidhc a d'fhoilsigh Sáirséal agus Dill sna 1950idí agus sna 1960dí. Bhí sí ar dhuine de bhunaitheoirí na hirise Comhar. Bhain an tsraith bhleachtaireachta le buachaill dána scoile darbh ainm Maidhc a raibh croí mór maith aige. Deirtear go gcuirfeadh an tsraith Just William le Richmal Crompton i gcuimhne. Maidhc príomhcharachtar eachtraí an leabhair agus castar iontu freisin lena chairde, Nuala ar dhuine acu. Foilsíodh an leabhar deiridh sa tsraith sa bhliain 1968, an bhliain a bhfuair Linín bás anabaí i gcathair Nua-Eabhrac. Fionán De Barra a rinne na líníochtaí.
Bhí sí ina reachtaire ar an gCumann Gaelach (COBÁC). Bhain sí an chéad duais amach i seisiún 1940-41 an Chumainn Ghaelaigh, duais a bronnadh gach bliain ar an gcainteoir is fearr sa chumann.
DUAISEANNA CHLUB LEABHAR NA SÓISEAR 1968/1969
[cuir in eagar | athraigh foinse]Bhí na duaiseanna seo á dtairiscint ar bhunleabhair (20-30,000 focal) a scríobhadh d'ógléitheoirí na Gaeilge, buachaillí agus nó cailíní (14-17 bliana d'aois). Bhí an comórtas seo roinnte ina dhá chuid : (i) Mion-úrscéalta. Céad duais, £75 ; dara duais, £15. (ii) Ábhar eile, seachas mion-úrscéalta. Céad duais, £75 ; dara duais, £15.
Roinn (i) Duais Aitheantais, £45 : Róisín Nic Dhonnchadha. 25 Bóthar Glas Árd, Baile Átha Cliath, 6. ("Maidhc sa Danmhairg"). Moltóirí: Caoimhín Ó Marcaigh, M.A., agus Conchubhar Rónáin, M.A.
Léirmheas
[cuir in eagar | athraigh foinse]Maidhc sa Danmhairg á léirmheas ag Maitiú Ó Murchú in Comhar, Iml. 27, Uimh 6 (Meitheamh, 1968), lch. 24 Seo an ceathrú eachtra ag Maidhc agus a chairde. Is mac le hAmbasadóir na hÉireann chun na Danmhairge é agus nuair a bhuaileann beirt as Éirinn ann chuige le saoire a chaitheamh leis, tosaíonn an eachtraíocht. Tagann as an ruaille-buaille a chruthaíonn siad go dtugtar chun solais duine a chaith cuid mhaith dá shaoil ag fealltóireacht i gcoinne na Danmhairge agus atá réidh anois le tionscal na talmhaíochta in Éirinn a scrios. Tá stíl grod, gasta gonta ag an údar a phoc-léimeann ó tharlú go tarlú. Tá sé le moladh ar an gcúis sin mar ábhar léitheoireachta do dhaoine óga atá ar tí tabhairt faoi leabhair a léamh.
- Maidhc, 1957
- Maidhc Abú, 1960
- Maidhc Bleachtaire 1961
- Maidhc sa Danmhairg, 1968. Ceangal bog. Úrscéal do pháistí.