Jump to content

Pléasc ar an Chraoslach

Ón Vicipéid, an chiclipéid shaor.
(Athsheolta ó Pléasc an Chraoslaigh)
Teimpléad:WD Bosca Sonraí ImeachtPléasc ar an Chraoslach
Map
 55° 07′ 09″ N, 7° 54′ 21″ O / 55.1192°N,7.9057°W / 55.1192; -7.9057
Cineálpléascadh Cuir in eagar ar Wikidata
Dáta na bliana7 Deireadh Fómhair 2022 Cuir in eagar ar Wikidata
SuíomhAn Craoslach, Éire Cuir in eagar ar Wikidata
TírÉire Cuir in eagar ar Wikidata
Cúispléascadh gáis Cuir in eagar ar Wikidata
Líon básanna10 Cuir in eagar ar Wikidata
Líon gortaithe8 Cuir in eagar ar Wikidata

Ar 7 Deireadh Fómhair 2022, tharla eachtra thubaisteach sa Chraoslach,[1][2] Contae Dhún na nGall, nuair a maraíodh deichniúr i bpléascadh, a loit stáisiún breosla Applegreen agus bloc árasán in aice láimhe.[3] Timpiste a bhí ann.[4] Bhí an pléascadh chomh láidir sin go raibh sé le cloisteáil 5km ón láthair.[5]

Ní sé soiléir fós cad go baileach ba chúis leis an bpléasc in 2022. Thug cuid de theaghlaigh na marbh le fios go bhfuil siad thar a bheith míshásta leis an easpa dul chun cinn, dar leo, i bhfiosrúchán na nGardaí.[6]

An Craoslach

Imeachtaí

[cuir in eagar | athraigh foinse]

Réab pléasc mhór ciúnas na sráide i mbaile an Chraoslaigh ag 3.17 san iarnóin, Dé hAoine 7 Deireadh Fómhair 2022. Scriosadh stáisiún breosla Applegreen agus foirgneamh eile sa phléasc, suite ar an mbóthar N56 .

Cuireadh tús le hoibríocht mhór cuardaigh agus tarrthála láithreach bonn. Bhí seirbhísí éigeandála ón dá thaobh den teorainn páirteach ann. Ghlac go leor daoine áitiúla páirt sa gcuardach freisin, as a ndeoin féin. Leanadh den oibríocht thar oíche.

Bliain amháin níos déanaí, ní raibh a fhios céard a tharla go díreach.[7] Sceitheadh gáis a bhí ann b'fhéidir. Ach dhírigh an timpiste aird arís ar shábháilteacht agus ar rialacháin sábháilteachta.

Íospartaigh

[cuir in eagar | athraigh foinse]

B'as an Chraoslach agus an ceantar máguaird do na mair[8]bh: cailín in aois bhunscoile, beirt déagóirí, ceathrar fear agus triúr ban. Maraíodh Catherine O'Donnell, a bhí 39 bliain d'aois agus a mac James Monaghan, trí bliana déag; Robert Garwe, 50 bliain d'aois agus a iníon Shauna Flanagan Garwe, cúig bliana d'aois; Leona Harper, 14; Jessica Gallagher, 24; James O'Flaherty, 48; Martin McGill, 49; Martina Martin, 49; agus Hugh Kelly a bhí 59 bliain d'aois.[9]

Tugadh ochtar go dtí Ospidéal na hOllscoile, Leitir Ceanainn i ndiaidh an phléasctha. Aistríodh duine amháin a gortaíodh go dtí Baile Átha Cliath ar héileacaptar de chuid an Gharda Cósta.

Ómós

[cuir in eagar | athraigh foinse]

Dúirt an tUachtarán Michael D. Higgins go ndeachaigh an tragóid i bhfeidhm ar chuile dhuine sa phobal áitiúil, agus ar fud na tíre.[5][10][11]

Bhí an Taoiseach Micheál Martin, an Tánaiste Leo Varadkar agus Uachtarán Shinn Féin, Mary Lou McDonald i measc na ndaoine a d'fhreastail ar shearmanas i gcuimhne na marbh Dé Sathairn, 8 Deireadh Fómhair. Luaigh Micheál Martin an méid tacaíochta a tugadh láithreach do na seirbhísí éigeandála ón bpobal áitiúil.[5]

Cúiseanna agus cóir

[cuir in eagar | athraigh foinse]

Ar an 22 Márta 2024, bhí beirt fhear gafa i dtaca le fiosrúchán an Gharda Síochána faoi thragóid an Chraoslaigh.[12]

Ar an 27 Bealtaine 2024, gabhadh fear agus bean a bhfuil cúiseanna á gcur ina leith a bhaineann le sárú a dhéanamh ar an Acht um Chionta Neamh-Mharfacha in aghaidh an Duine, 1997. Ansin scaoileadh saor iad gan a bheith cúisithe in aon chion.[13]

Ar an 24 Meán Fómhair 2024, d'iarr dlíodóir, ag gníomhú ar son na dteaghlach, fiosrúchán poiblí nó coimisiún imscrúdúcháin. a bhunú faoin tubaiste.[14]

Le linn 2022-2025, bailíodh 1,500 ráiteas agus cuireadh i dtoll a chéile 1,000 tuairisc faoin tubaiste.[15][16]

An suíomh

[cuir in eagar | athraigh foinse]

In 2024, d'iarr an comhlacht Vivo Shell Teoranta cead pleanála le foirgneamh úr a thógáil ina mbeidh Siopa, Oifig an Phoist, Deilí, Eischeadúnas, Ionad Storála, Leithris, Áiseanna Breosla, sciamhlann, áit stórála do thancanna agus do chaidéil chomh maith le spás do ghairdín cuimhneacháin. [17] Fuair an Chomhairle Contae breis agus 30 aighneacht ón bpobal ag cur in éadan an chead pleanála. Bhí cuid de theaghlaigh na marbh ina measc siúd a chuir ina éadan.[18] Dúirt teaghlach amháin go mbeadh sé drochmheasúil agus go ngoillfeadh sé go mór orthu dá dtógfaí ionad tráchtála ar shuíomh na tubaiste.

Tugadh cead pleanála ar an 20 Feabhra 2025,[19] ach diúltaithe ag an gCoimisiún Pleanála ar an 20 Meitheamh 2025. Rinne na teaghlaigh achomharc leis an mBord Pleanála ag an am – ar baisteadh an Coimisiún Pleanála air ó shin. Tugadh le fios go bhféadfadh a raibh beartaithe cur isteach ar athghiniúint agus athnuachan shráidbhaile an Chraoslaigh i bhfad na haimsire agus dúradh nach mbeadh sé ag teacht lena bhfuil i bPlean Forbartha Chontae Dhún na nGall maidir le leagan amach agus dearadh foirgneamh. Dúirt an Coimisiún Pleanála freisin nach mbeadh an áit a moladh le haghaidh an ghairdín chuimhneacháin, nach mbeadh sé feiliúnach ó thaobh cúrsaí tráchta agus sábháilteachta de.[6]

Féach freisin

[cuir in eagar | athraigh foinse]

Tagairtí

[cuir in eagar | athraigh foinse]
  1. ↑ "An Craoslach / Creeslough" (ga). logainm.ie. Dáta rochtana: 2022-10-09.
  2. ↑ "Deichniúr maraithe sa phléasc ar an Chraoslach i nDún na nGall" (ga-IE). Tuairisc.ie. Dáta rochtana: 2022-10-09.
  3. ↑ RnaG (6 Deireadh Fómhair 2023). "Barrscéalta" (ga-IE). RTE Radio. Dáta rochtana: 2023-10-07.
  4. ↑ Nuacht RTÉ (2022-10-09). ""Laethanta deacra romhainn"" (as ga-IE). 
  5. ↑ 5.0 5.1 5.2 Nuacht RTÉ (2022-10-08). "Deichniúr básaithe i ndiaidh an phléasctha ar an Chraoslach" (as ga-IE). 
  6. ↑ 6.0 6.1 Nuacht RTÉ (2025-06-20). "An Craoslach: iarratas stáisiún seirbhísí úr a thógáil diúltaithe" (as ga-IE). 
  7. ↑ "Gas delivery system now at centre of Garda inquiry into Creeslough explosion" (en). The Irish Times. Dáta rochtana: 2023-10-07.
  8. ↑ "Fear agus bean gafa mar chuid d’fhiosrúchán faoi phléasc an Chraoslaigh" (ga-IE). Tuairisc.ie (2024-05-27). Dáta rochtana: 2024-05-27.
  9. ↑ Nuacht RTÉ (2022-10-09). "An deichniúr a cailleadh ar an Chraoslach ainmnithe" (as ga-IE). 
  10. ↑ Michelle Nic Pháidín. "Dorchadas luath an Chraoslaigh < Meon Eile". www.meoneile.ie. Dáta rochtana: 2023-10-07.
  11. ↑ "Ráiteas ón Aire Sláinte Stephen Donnelly maidir le Tragóid an Chraoslaigh" (ga). www.gov.ie (2022-10-08). Dáta rochtana: 2023-10-07.
  12. ↑ Nuacht RTÉ (2024-03-22). "Beirt fhear gafa faoi thragóid an Chraoslaigh" (as ga-IE). 
  13. ↑ Nuacht RTÉ (2024-05-28). "Beirt a gabhadh faoin tubaiste sa Chraoslach scaoilte saor" (as ga-IE). 
  14. ↑ Nuacht RTÉ (2024-09-24). "An Craoslach: fiosrúchán poiblí á éileamh ag teaghlaigh" (as ga-IE). 
  15. ↑ Nuacht RTÉ (2025-09-30). "Tubaiste an Chraoslaigh: comhad seolta ar aghaidh ag na Gardaí" (as ga-IE). 
  16. ↑ Nuacht RTÉ (2025-10-07). "Fiosrúchán poiblí á lorg i dtaca le tragóid an Chraoslaigh" (as ga-IE). 
  17. ↑ Nuacht RTÉ (2024-05-22). "Nuacht an Tuaiscirt: 22 Bealtaine 2024" (as ga-IE). 
  18. ↑ Nuacht RTÉ (2024-06-13). "An Craoslach: cinneadh faoi chead pleanála curtha siar" (as ga-IE). 
  19. ↑ Nuacht RTÉ (2025-02-20). "An Craoslach: stáisiún seirbhísí úr le tógáil ar shuíomh tubaiste" (as ga-IE). 
Aisghafa ó "https://ga.wikipedia.org/w/index.php?title=Pléasc_ar_an_Chraoslach&oldid=1282587"