Patrick Modiano

Ón Vicipéid, an chiclipéid shaor.
Jump to navigation Jump to search
Patrick Modiano
Patrick Modiano 6 dec 2014 - 22.jpg
Saol
Ainm iomlán Jean Patrick Modiano
Eolas breithe Boulogne-Billancourt, 30 Iúil 1945 (76 bliain d’aois)
Náisiúntacht An Fhrainc
Teanga dhúchais An Fhraincis
Muintir
Máthair Louisa Colpeyn
Céile/Céilí Dominique Zehrfuss
Páistí
Oideachas
Alma mater Lycée Henri-IV (en) Aistrigh
Lycée Michel-Montaigne (en) Aistrigh
Teangacha An Fhraincis
Gairm
Gairm scríbhneoir scripte scannáin agus scríbhneoir
Áit oibre Páras
Saothar iomráiteach La Place de l'Étoile (en) Aistrigh
Les Boulevards de ceinture (en) Aistrigh
Missing Person (en) Aistrigh
Dora Bruder
Un pedigree (en) Aistrigh
Duais
Gluaiseacht ealaíne úrscéal
beathaisnéis
Scéalta do Pháistí
IMDb nm0595272

Scríbhneoir Francach is ea Patrick Modiano (r. 1945). Do rugadh é ar an 30ú lá de mhí Iúil i mBoulogne-Billancourt, buirg atá suite in Île-de-France. Tá breis is 30 úrscéal scríofa aige agus go leor duaiseanna bronnta orthu, an Grand prix du roman de l'Académie française (1972) agus an Prix Goncourt (1978) ina measc.

Tá cosúlachtaí idir shaothar Mhodiano agus dírfhicsean - nó autofiction, mar a thugtar air i bhFraincis -, de bharr tóir na hóige caillte a bhíonn mar leitmóitíf ag Modiano. Saintréithe dá shaothair is ea inní an duine féin, atarlú agus caolchúis, agus pléann an chuid is mó dá shaothair le Páras na Forghabhála. Déanann an t-údar iarracht beatha an gnáthdhaoine a léiriú, iad siúd a bhfuil sé orthu dul i ngleic le tubaiste na staire agus a bhíonn á n-iompar ar shlí gur deacair í a thuiscint ná ciall éigin a fheiscint léi.

Patrick Modiano (r. 1945) ag preasocáid Acadaimh na Sualainne i gcathair Stócólm na Sualainne ar an 6ú lá de mhí na Nollag 2014.

Ba sa bhliain 2014 a moladh Duais Nobel na Litríochta do Mhodiano mar aitheantas ar a chuid scríbhneoireachta agus ar "bhua na cuimhne" atá aige, bua as a mbaineann sé úsáid, dar le hAcadamh na Sualainne, chun "na beathaí is díomuaine agus saol na Forghabhála a chur in iúl dúinn".[1][2] Ba é Modiano an cúigiú scríbhneoir Francach déag ar moladh Duais Nobel na Litríochta dó.

Tagairtí[cuir in eagar | athraigh foinse]

  1. "Le Francais Patrick Modiano remporte le Nobel de littératue", Le Figaro, 9ú lá de Dheireadh Fomhair 2014 - (le léamh ar líne) [i bhFraincis]
  2. "Le Nobel de littérature décerné à... Patrick Modiano", Ijsberg Magazine, 9ú lá de Dheireadh Fómhair 2014 [i bhFraincis]