Pío Baroja

Ón Vicipéid, an chiclipéid shaor.
Pío Baroja
Portrait of Pío Baroja (cropped).jpg
Saol
Ainm iomlán Pío Baroja y Nessi
Eolas breithe Donostia, 28 Nollaig 1872
Náisiúntacht An Spáinn
Áit chónaithe Maidrid
Bás Maidrid, 30 Deireadh Fómhair 1956
Áit adhlactha Reilig Shibhialta Mhaidrid
Reilig Shibhialta Mhaidrid
Cúis bháis  (galar cardashoithíoch)
Muintir
Athair Serafin Baroja
Siblíní
Oideachas
Alma mater Universidad Central dochtúireacht : míochaine
Teangacha An Spáinnis
Gairm
Gairm scríbhneoir, physician writer (en) Aistrigh, úrscéalaí, drámadóir, dochtúir leighis, file agus báicéir
Ballraíocht Real Academia Española
Gluaiseacht Glúin '98
Gluaiseacht ealaíne úrscéal
IMDb nm0056179
Discogs ID 5015477
Firma de Pio Baroja.jpg
Dealbh Baroja i Madrid.

Scríbhneoir Spáinnise ó Thír na mBascach a bhí i bPío Baroja y Nessi, a rugadh i San Sebastián (Donostia) ar an 28 Nollaig 1872 agus a fuair bás i Maidrid ar an 30 Deireadh Fómhair 1956. Bascach a bhí ann féin, ach ní raibh mórán measa aige ar theanga a cheantair dhúchais, cé go raibh téamaí Bascacha agus radharcra na Tíre Bascaí le haithint ina lán scríbhinní a tháinig óna pheann.

Rinne sé staidéar le bheith ina dhochtúir, ach níor chleacht sé an cheird seo riamh - go bunúsach, ní raibh ann ach amhábhar don úrscéal El árbol de la ciencia ("Crann an Eolais"). Is é saol na mac léinn atá faoi chaibidil ag Baroja sa leabhar seo. Chaith sé seal i mbun bhácús a mhuintire, rud atá le haithint i saothair eile leis, ar nós La Busca ("An Cuardach").

Scríbhneoir próis a bhí ann thar aon rud eile, cé gur bhain sé triail as an drámaíocht freisin, agus scríobh sé aistí chomh maith.

Is iad na saothair is tábhachtaí ná:

  • an tríológ Bhascach: La casa de Aitzgorri, El mayorazgo de Labraz agus Zalacaín el aventurero;
  • an tríológ La lucha por la vida ("An Troid ar son na Beatha"): La busca, Mala hierba agus Aurora Roja;
  • an tríológ La raza ("An Cine"), mar atá: El árbol de la ciencia, La dama errante, agus La ciudad de la niebla;
  • an tríológ El pasado ("Na Laethanta a Bhí"), nó: La feria de los discretos, Los últimos románticos, agus Las tragedias grotescas;
  • an tríológ La vida fantástica ("An Saol Iontach"), is é sin, Aventuras, inventos y mixtificaciones de Silvestre Paradox, Camino de perfección (pasión mística) agus Paradox rey;
  • an tríológ Las ciudades ("Na Cathracha"), nó César o nada, El mundo es así agus La sensualidad pervertida;

Féach freisin[cuir in eagar | athraigh foinse]

Tagairtí[cuir in eagar | athraigh foinse]