Páirc Thír Oileáin

WD Bosca Sonraí Foirgneamh Páirc Thír Oileáin
Sonraí
Cineál	Staid
Foirgníocht	1935
Dáta na hoscailte oifigiúla	1935
Suíomh geografach
Limistéar riaracháin	Gaillimh, Éire
53° 17′ 05″ N, 9° 03′ 23″ O
Gníomhaíocht
Úinéir	Galway & District League (en)
Suíocháin	5,000
Club	Galway United Football Club
ID GeoNames	7646031

Is staid sacair í Páirc Thír Oileáin (Béarla: Terryland Park) ina imríonn Gaillimh Aontaithe a chuid cluichí ó bunaíodh an club sin sa bhliain 1977. Is le Comhlachas Sraith Sacair Ceantair agus Cathair na Gaillimhe an staid. Tá sí i gceantar Thír Oileáin ar an taobh thoir de chathair na Gaillimhe i bPoblacht na hÉireann. Ó am go ham cuirtear an staid ar fáil chun cluichí idirnáisiúnta sna gráid Faoi Aois a imirt. Imrítear breis agus 80 cluiche gach bliain sa staid. Cluichí Gaillimh Aontaithe suas le 25-30 díobh siúd.

Rinneadh athfhorbairt ar Pháirc Thír Oileáin sa mbliain 1993, agus mar thoradh air sin, d'imir an club a gcuid cluichí sraithe ar feadh bliana i staid baile Chumann Rugbaí Galwegians RFC, Crowley Park.

Cuireadh suim de €500,000 ar fáil mar dheontas chun tuilleadh forbartha a dhéanamh ar an staid in 2006. Seastán nua 1,500 suíochán a thógáil ba phríomhaidhm don tionscnamh seo.

Seastán Nua

Cuireadh críoch leis an seastán nua i bPáirc Thír Oileáin i mí Iúil 2007, rud a thug líon na suíochán ó 3,500 chuig 5,000. Tá obair leanúnach ar siúl ar an suíomh chun a leithéidí seo a sholáthar: aonad siopa, geata casta, seomra lia-scrúdaithe spóirt agus garchabhrach, seomraí feistis, leithreas, seomra cithfholctha, seomra toscairí cluiche, áis do na meáin cumarsáide agus fáiltiú, ceaintín, áis preasagallamh, stiúideo teilifíse.

Chomh maith leis na hathruithe thuasluaite, tógadh seastán ceamara os cionn sheastán Uí Chonaill agus rinneadh na tuilsoilse a athshuí.