Nikephorus II Phokas

Ón Vicipéid, an chiclipéid shaor.
Jump to navigation Jump to search
Nikephorus Phokus

Nikephorus II Phokas (nó Nicephorus II Phocas; 912 11 Nollaig 969) ab ea an tImpire Biosántach idir 963 agus 969. In ainneoinn an ratha mhíleata a bhain sé amach le linn athbheochan na mBiosántach sa deichiú aois, impire conspóideach ab ea é i ndáiríre. de réir roinnt scríbhneoirí, eisean a spreag an choimhleacht idir an Impireacht agus na Bulgáirigh, agus le linn dó bheith i réim a chailleadh an tSicil do na Moslamaigh. Anuas air sin theip air dul i ngleic le Otto I, rí Gearmánach a rinne ionradh talún ar an Iodáil. Ag an am céanna, d'éirigh leis Cilicia a ghabháil agus fiú an Chipir a athghabháil don Impireacht, éachtaí a chur ar a chumas dó a ionraí féin a dhéanamh ar an Leiveaint níos déanaí, nuair a d'éirigh leid dul chomh fada le Jazira. Ní raibh gnaoi an phobail air ina thír féin: bhí air an ráta cánach a ardú chun na feachtais mhíleata ar fad a mhaoiniú, agus bhí seasamh éagsúil aige i leith ceisteanna diagachta, rud a tharraing drochamhras a chomhghuaillithe air. Bhí a nia, John Tzimiskes, i measc na ndaoine a chaill muinín as, agus de réir seo a ghabh sé cumhacht tar éis do Nikephorus a mharú in leaba.