Mícheál Ó Cléirigh

Mícheál Ó Cléirigh
	;
Beathaisnéis
Breith	1590
Bás	1643 ; 52/53 bliana d'aois; Lováin
Gníomhaíocht
Gairm	staraí
Tréimhse ama	Glúin an 17ú aois agus glúin an 16ú aois
Teangacha	An Ghaeilge
Saothar
	Saothar suntasach Annála na gCeithre Máistrí; (1643) Foclóir nó Sanasán Nua ;

Staraí agus príomhúdar Annála na gCeithre Máistrí ab ea Mícheál Ó Cléirigh (t. 1590 – 1643).^[1] Scríobh sé na hAnnála in éineacht le Cú Choigríche Ó Cléirigh, Fearfeasa Ó Maol Chonaire agus Cú Choigríche Ó Duibhgeannáin. Duine den teaghlach clúiteach staraithe ó Chill Bhairdne i dTír Chonaill. Tadhg an t-ainm a baisteadh air, agus tugadh Tadhg an tSléibhe go coitianta air, nó gur thóg sé an t-ainm Mícheál nuair a chuaigh sé sna Bráithre Proinsiasacha i gColáiste Naomh Antaine i Lobháin.

Faoi stiúir an ghairdiain, Aodh Buí Mac an Bhaird (1580-1635), cuireadh go hÉirinn ag bailiú seanchais ó lámhscríbhinní é, agus le cúnamh óna chomhleacaithe, Cú Choigcríche Ó Cléirigh, Fearfeasa Ó Maolchonaire, Lughaidh Ó Duibhgeannáin, chuir sé i dtoll a chéile An Reim Rioghroidhe i 1630, An Leabhar Gabhála i 1631, agus an t-ollsaothar ar a tugadh Annála na gCeithre Máistrí (1636). D’oibrigh sé freisin ar an naomhsheanchas agus ar fhoclóir a foilsíodh i 1643. Cailleadh i Lobháin é c.1643.

Déantar léiriú ficseanúil ar Mhícheál Ó Cléirigh i Lobháin san úrscéal An Cléireach (Leabhar Breac 2007) le Darach Ó Scolaí.

Tagairtí

↑ Diarmuid Breathnach agus Máire Ní Mhurchú. “Ó CLÉIRIGH, Michél (c.1592–1643) | ainm.ie” (ga). An Bunachar Náisiúnta Beathaisnéisí Gaeilge (Ainm.ie). Dáta rochtana: 2024-02-19.

[Ainm-1] Diarmuid Breathnach agus Máire Ní Mhurchú. “Ó CLÉIRIGH, Michél (c.1592–1643) | ainm.ie” (ga). An Bunachar Náisiúnta Beathaisnéisí Gaeilge (Ainm.ie). Dáta rochtana: 2024-02-19.

[1]