Marty Walsh
| Marty Walsh | |||||||
|---|---|---|---|---|---|---|---|
 | |||||||
1997 - 2014
Eanáir 6, 2014 - Márta 22, 2021 ← Thomas Menino - Kim Janey (en)  →
Márta 23, 2021 - ← Al Stewart (en) | |||||||
| Saol | |||||||
| Eolas breithe |
Dorchester (en) , Aibreán 10, 1967(54 bliain d’aois) | ||||||
| Náisiúntacht | Stáit Aontaithe Mheiriceá | ||||||
| Áit chónaithe |
Massachusetts Bostún | ||||||
| Teanga dhúchais | An Béarla | ||||||
| Oideachas | |||||||
| Alma mater |
Coláiste Bhostúin 2009) Baitsiléir Ealaíon The Newman School (en) | ||||||
| Leibhéal oideachais | Baitsiléir Ealaíon | ||||||
| Teangacha | An Béarla | ||||||
| Gairm | |||||||
| Gairm | polaiteoir | ||||||
| Áit oibre | Bostún | ||||||
| Creideamh | |||||||
| Páirtithe polaitíochta | Páirtí Daonlathach | ||||||
| martywalsh.org | |||||||
Is polaiteoir Meiriceánach é Marty Walsh (a rugadh ar 10 Aibreán 1967). Is ball den Pháirtí Daonlathach é. Rinne Marty Walsh éacht agus an Mhéaracht Bhoston a bhuachan faoi dhó, in 2013 agus in 2017.[1]
.jpg)
Saol[cuir in eagar | athraigh foinse]
Muintir[cuir in eagar | athraigh foinse]
Is as Ros Muc, i gConamara in Éirinn, iad a mhuintir. Is mac é Marty Walsh le John Walsh, nó John Mháirtín Tom as Caladh Mhaínse, Carna, nach maireann, agus Mary Walsh, nó Mary Joe Pheadair Uí Mháille, as Ros Cíde, Ros Muc.[2] chuaigh siad beirt ar imirce go Meiriceá, áit ar rugadh Walsh féin.[3][4]
Rugadh agus a tógadh i gceantar Dorchester, Boston.
Ceardchumannachas[cuir in eagar | athraigh foinse]
Bhí Walsh ina bhall de Cheardchumann na nOibrithe tógála, a raibh a uncail Pat i gceannas air, ó bhí sé ina dhéagóir agus d’oibrigh sé féin ar na láithreáin tógála ina óige.[5]
Bhí Walsh ina cheannaire ar chónaidhm na gceardchumann tógála agus ceirde uilig i mBoston, ó 2011 go dtí 2013, sular toghadh é ina Mhéara.
Méara[cuir in eagar | athraigh foinse]
Bhí Martin Walsh insealbhaithe mar mhéara Bhoston ar an 6 Eanáir 2014. Bhí sé mar mhéara ar Bhoston, Massachusetts idir 2014 agus 2021. Toghadh an polaiteoir de chuid na nDaonlathach ina mhéara ar Bhoston den chéad uair i Samhain 2013 agus atógadh é sa phost sin, le beagnach 65% den vóta, in 2017. D’éirigh leis ceangal a chothú idir aicmí go leor ina chuid feachtas – an pobal den chine dubh, muintir na hÁise agus tuilleadh.[1]
Sheas Walsh go láidir le himirceoirí agus bhí sé fabhrach le mionlaigh ar bhonn creidimh agus inscne agus ar cheisteanna eile a gcuirfí an branda ‘liobrálach’ orthu. Mar shampla, d'fhógair Walsh sa bhliain 2017 go mbeadh Bhoston ina áit shábháilte ag imircigh mídhleathacha atá ag maireachtáil faoi eagla faoi réimeas slándála an Uachtaráin Trump.
Le linn fheachtas Walsh in Boston, cuireadh chun cinn é mar dhuine a raibh dul chun cinn eacnamaíochta ar cheann de na clocha móra ar a phaidrín.[1]
Bhí Walsh i gcroílár scannán faisnéise faoi riaradh na cathrach sa bhliain 2020, an scannán City Hall.[6] Tá Marty Walsh páirteach i go leor de radharcanna an scannáin.[7]
Ag searmanas cathartha i gCathair na Gaillimhe sa bhliain 2018, bronnadh saoirse na cathrach ar Mhéara Bhoston Marty Walsh.[8]
Rúnaí Saothair[cuir in eagar | athraigh foinse]
.jpg)
Fuair Walsh aitheantas mór náisiúnta nuair, ar 7 Eanáir 2021, tuairiscíodh gurb é rogha Joe Biden mar Rúnaí Saothair na Stát Aontaithe. Caithfidh Walsh déileáil le coinníollacha sábháilteachta agus sláinte oibrithe na tíre. Agus tá ceist an bhunphá in aghaidh na huaire d’oibrithe le láimhsiú. Tá iarracht ar bun le dlí náisiúnta a chur i bhfeidhm a d’fhágfadh go mbeadh, ar a laghad, $15 san uair ag dul d’oibrithe.[9]
Uachtaránacht[cuir in eagar | athraigh foinse]
Dlúthchairde iad Marty Walsh agus Joe Biden. Mar shampla, tháinig Biden in aon turas go Boston in Eanáir 2017 go mbeadh sé ina aoi speisialta ag insealbhú Walsh don dara téarma Méarachta sa gcathair. Dúradh go forleathan ag an am go raibh baint mhór ag Walsh leis an mbua a bhí ag Joe Biden sna réamhthoghcháin Dhaonlathacha in Massachusetts.
Tá tuairimíocht láidir ann go bhfuil a shúil ag Marty Walsh ar thoghchán na hUachtaránachta sna blianta atá amach romhainn.[8]
Tagairtí[cuir in eagar | athraigh foinse]
- ↑ 1.0 1.1 1.2 Máirtín Ó Catháin (2021). "An é Marty Walsh an Méara deireanach de shliocht na nGael in Boston?" (ga-IE). Tuairisc.ie. Dáta rochtana: 2021-05-02.
- ↑ "Méara Boston Marty Walsh roghnaithe ag Joe Biden mar rúnaí saothair" (ga-IE). Tuairisc.ie. Dáta rochtana: 2021-05-02.
- ↑ Maitiú Ó Coimín (2017). "Saoirse Chathair na Gaillimhe le bronnadh ar Mhéara Bhostúin Marty Walsh" (ga-IE). Tuairisc.ie. Dáta rochtana: 2021-05-02.
- ↑ 7512931. "Ireland's Genealogical Gazette (August 2014)" (en). Issuu. Dáta rochtana: 2021-05-02.
- ↑ Máirtín Ó Catháin (2020). "Feachtas tosaithe ag ceardchumainn go mbeadh Marty Walsh ina Rúnaí Saothair i rialtas Joe Biden" (ga-IE). Tuairisc.ie. Dáta rochtana: 2021-05-02.
- ↑ Frederick Wiseman; Marty Walsh (2020-10-21). "City Hall". Ford Foundation - Just Films, ITVS, PBS.
- ↑ Ciarán Ó Cualáin (2020). "Méara Boston Marty Walsh i gcroílár scannán faisnéise nua" (ga-IE). Tuairisc.ie. Dáta rochtana: 2021-05-02.
- ↑ 8.0 8.1 Nuacht RTÉ (2018-05-11). "Saoirse na Gaillimhe bronnta ar Marty Walsh" (in en).
- ↑ Máirtín Ó Catháin (2020). "‘An taobh eile den doras againn féin – muintir Mhaigh Eo’ – Méara Boston ‘an-bhródúil’ as bua Biden" (ga-IE). Tuairisc.ie. Dáta rochtana: 2021-05-02.