Marina Carr

Marina Carr
Beathaisnéis
Breith	17 Samhain 1964 ; 60 bliana d'aois; Contae Uíbh Fhailí, Éire
Faisnéis phearsanta
Scoil a d'fhreastail sé/sí	An Coláiste Ollscoile, Baile Átha Cliath
Áit chónaithe	Contae Uíbh Fhailí
Gníomhaíocht
Gairm	múinteoir ollscoile, drámadóir, scríbhneoir
Fostóir	Ollscoil Villanova
Ball de	Aosdána
Teangacha	Béarla
	Gradam a fuarthas (2017) Windham–Campbell Literature Prizes (en) ; (2001) E. M. Forster Award (en) ;

Drámadóir Éireannach is ea Marina Carr (rugadh 17 Samhain 1964) i gContae Uíbh Fhailí.

D'fhreastail sí ar Choláiste na hOllscoile, Baile Átha Cliath, sular ghlac sí le postanna mar scríbhneoir cónaithe in Amharclann na Mainistreach agus i gColáiste na Tríonóide. Chaith sí an bhliain 2003 mar an tOllamh Heimbold in Ollscoil Villanova sna Stáit Aontaithe.

Tá greann dubh agus brúidiúlacht ag baint lena saothar agus tá a cuid saothair is déanaí préamhaithe san miotaseolaíocht chlasaiceach Ghréagach.

I dtosach, bhain sí triail as neart stíleanna éagsúla agus í ag lorg a stíl áirithe féin. Luaite leis an tréimhse seo, tá Low in the Dark (1989), The Deer Surrender (1990), This Love Thing (1991) agus Ullaloo (1991).

Bhain a céad dráma eile The Mai (1994), an duais don Dráma Nua ab Fhearr san Dublin Theatre Festival. Déantar tagairt don fhírinne, oidhreacht agus an chinniúint sa dráma seo a chruthaíonn an nasc leis an drámaíocht Ghréagach. Tá na fíricí céanna le sonrú ina cuid oibre eile, cuid de bhunaithe ar drámaí áirithe ón aois Ghréagach clasaiceach. I measc a saothar eile tá Portia Coughlan(1996), By the Bog of Cats... (1998), On Raftery's Hill (2000); Ariel (2002) agus Woman and Scarecrow (2006).

Tagairtí

Naisc sheachtracha