Karl Sack

Ón Vicipéid, an chiclipéid shaor.
Jump to navigation Jump to search
Karl Sack
Saol
Eolas breithe Bosenheim, Meitheamh 9, 1896
Náisiúntacht An Ghearmáin
Bás Flossenbürg concentration camp (en) Aistrigh, Aibreán 9, 1945
Na cúinsí a bhaineann lena b(h)ás pionós an bháis (crochadh)
Oideachas
Teangacha An Ghearmáinis
Gairm
Gairm breitheamh agus trodaí frithbheartaíochta
Ballraíocht Burschenschaft Vineta Heidelberg (en) Aistrigh
Seirbhís mhíleata
Throid sé/sí ag An Chéad Chogadh Domhanda
Creideamh
Páirtithe polaitíochta German People's Party (en) Aistrigh

Breithiúnach sa Ghearmáin, agus gníomhaí frithbheartaíochta le linn réimeas na Naitsithe, ab ea Karl Sack (9 Meitheamh 1896 i mBad Kreuznach - 9 Aibreán 1945 i Flossenbürg). Cuireadh é chun báis as a ról, go díreach nó go hindíreach, i gcomhcheilg 20 Iúil 1944 chun Hitler a mharú agus réimeas na Naitsithe a chur as cumhacht.[1]

Cuimhneachán Karl Sack i gCampa géibhinn Flossenbürg

Saol[cuir in eagar | athraigh foinse]

Rinne Sack staidéar ar an dlí in Ollscoil Heidelberg.

Bhí sé ina chúntóir breithiúnach - nó ina bhreitheamh sna cúirteanna sibhialta - go dtí 1934. Aistríodh ansin go Reichskriegsgericht (Cúirt Mhíleata Reich) é.[1]

Cuimhneachán, 20 Juli 1944, Herbertstraße 2-6, Berlin-Grunewald

Rinneadh Ard-Abhcóide Breithiúnais an Airm de sa bhliain 1942.

Bhí Sack i dteagmháil leis an lucht frithbheartaíochta san Arm le linn an chogaidh. Ghlac sé páirt i bplota 20 Iúil. Bhí Sack ainmnithe le bheith ina Aire Dlí agus Cirt sa rialtas nua.[1]

Gabhadh é sa bhliain 19944. Sa deireadh cuireadh é chun báis sa champa géibhinn Flossenbürg, ar ordú Hitler, mar gheall ar a chuid nasc le cealgairí 20 Iúil.

Débhríocht[cuir in eagar | athraigh foinse]

Ceistíonn roinnt daoine an ómós a tugadh dó as a bheith ina bhall den lucht frithbheartaíochta, toisc gur bhain sé ciall leathan, agus é ina bhreitheamh míleata, as coir tréigin agus gur gearradh pionós an bháis ar a lán daoine dá bharr sin.

Básaíodh Dietrich Bonhoeffer ar an la céanna

Ceartas[cuir in eagar | athraigh foinse]

Sna 1950idí, rinneadh iarrachtaí ar an dlí a chur ar an bpríomh-bhreitheamh agus an t-ionchúisitheoir a raibh lámh acu agus pionós an bháis á ghearradh ar Sack, Dohnányi agus lucht comhcheilge eile. Ach theip ar na hiarrachtaí sa deireadh, toisc gur dhiúltaigh an Bundesgerichtshof dóibh sa bhliain 1956. Dúirt an Chúirt ag an am go raibh na himeachtaí a tionscnaíodh sa bhliain 1945 dleathach.[1]

Féach freisin[cuir in eagar | athraigh foinse]

Tagairtí[cuir in eagar | athraigh foinse]

  1. 1.0 1.1 1.2 1.3 Scoil Dlí, COBÁC (2018). "Hans von Dohnányi agus Karl Sack". Dáta rochtana: 2021.