Jennifer Aniston

Ón Vicipéid, an chiclipéid shaor.
Jennifer Aniston
JenniferAnistonFeb09.jpg
Ainm breithe Jennifer Joanna Aniston
Breith 11 Feabhra, 1969
  Sherman Oaks, California
Náisiúntacht Meiriceánach
Gairm Aisteoir
Gníomhach 1994 - anois
Gradaim 1 SAG
1 Golden Globe
Céile Brad Pitt (2000-05)

Is aisteoir Meiriceánach í Jennifer Joanne Aniston (a rugadh ar an 11 Feabhra 1969 i Sherman Oaks, Los Angeles, California). Tá cáil bainte amach aici mar an gcarachtar Rachel Green ar an gclár teilifíse Friends. Phós sí an t-aisteoir Brad Pitt ar an 29 Iúil 2000, agus scar siad óna gcéile ar an 7 Eanáir 2005. Chuir Aniston isteach ar cholscaradh go hoifigiúil ar an 25 Márta 2005. Luaigh sí difríochtaí doréitithe.

Saol agus Saothar[athraigh | athraigh vicithéacs]

Tús a saoil[athraigh | athraigh vicithéacs]

Is cosúil gur theastaigh ó athair Jennifer go mbeadh sí ina haisteoir cosúil leis féin, mar sin d’iarr sé ar Telly Savalas ("Kojak") a bheith ina athair baistí aici agus d’athraigh sé an sloinne a bhí ag an gclann ó Anastassakis go Aniston. Tar éis don chlann bliain amháin a chaitheamh ina gcónaí sa Ghréig, bhog siad ar ais go Nua-Eabhrac, áit a bhfuair athair Jennifer, John Aniston, pairt sa chlár Love of Life agus, níos déanaí, Search for Tomorrow. I 1985, bhog an chlann go Los Angeles nuair a fuair John Aniston páirt in Days of Our Lives.

Slí bheatha[athraigh | athraigh vicithéacs]

D’fhreastail Jennifer ar an New York High School of Performing Arts sa bhliain 1987 agus bhí sí mar bhall den chlub drámaíochta ansin. D’fhás an dúil a bhí aici bheith ina haisteoir nuair a d’oibrigh sí sna léiriúchán For Dear Life agus Dancing on Checker's Grave. I 1989 bhog Jennifer go Hollywood agus fuair sí a céad pháirt teilifíse sa chlár teilifíse Molloy.

Sa bhliain 1994, d’iarr léiritheoirí cláir nua, Friends, ar Aniston triail a dhéanamh i gcomhair ról mar Monica Geller ach chuir sí ina luí orthu go mbeadh an carachtar Rachel Green i bhfad níb oiriúnaí di. D’oibrigh sí ar an gclár céanna sin go dtí gur tháinig deireadh leis sa bhliain 2004.

Tá Aniston tar éis bheith i go leor scannán de chuid Hollywood freisin, ina measc Picture Perfect, The Object of My Affection, Office Space, Rock Star, The Good Girl, Bruce Almighty agus Along Came Polly.

Gradaim[athraigh | athraigh vicithéacs]

  • 1995: Gradam Screen Actors Guild: Leiriú thar barr i sraithchlár grinn (Friends)
  • 2002: Gradam Emmy: An t-aisteoir is fearr i sraithchlár grinn (Friends)
  • 2003: Gradam Golden Globe: An t-aisteoir is fearr i sraithchlár grinn (Friends)

Scannánliosta[athraigh | athraigh vicithéacs]

Tagairtí[athraigh | athraigh vicithéacs]