James Brown

James Brown
Saol
Ainm iomlán	James Joseph Brown
Eolas breithe	Barnwell, 3 Bealtaine 1933
Náisiúntacht	Stáit Aontaithe Mheiriceá
Grúpa eitneach	Meiriceánaigh Afracacha
Bás	Atlanta, 25 Nollaig 2006
Cúis bháis	bás nádúrtha (niúmóine cliseadh croí)
Muintir
Céile/Céilí	Velma Warren (en)  (1953 -  Aibreán 21, 1969) Deidre Jenkins (en)  (1970 -  Nollaig 30, 1981) Adrienne Rodriguez (en)  (1984 -  Eanáir 6, 1996) Tomi Rae Hynie (en)  (Eanáir 2, 2001 -  Nollaig 25, 2006)
Oideachas
Teangacha	an Béarla
Gairm
Gairm	amhránaí is scríbhneoir, amhránaí, cumadóir, damhsóir, ceoltóir, léiritheoir ceirníní, polaiteoir, pianódóir, giotáraí, monaróir agus sound designer (en)
Duaiseanna	Grammy Lifetime Achievement Award  (1992) Kennedy Center Honors star on Hollywood Walk of Fame Duaiseanna MOJO
Ballraíocht	James Brown & The Famous Flames
Gluaiseacht ealaíne	anamcheol func doo-wop na gormacha ceol gaspal
Cineál gutha	baratón
Uirlis cheoil	giotár orgán ceol gutha foireann drumaí
Lipéad ceoil	Federal Records King Records Polydor Records Philips Records
IMDb	nm0113768
godfatherofsoul.com
Discogs ID	12596

B'amhránaí Meiriceánach é James Brown (3 Bealtaine, 1933 - 25 Nollaig, 2006) chomh maith le bheith ina chumadóir amhrán, léiritheoir ceirníní, dhamhsóir, agus ina mháistir banna, freisin. Saolaíodh é faoin ainm James Joseph Brown, Jr. i mBarnwell, Carolina Theas sa bhliain 1933, agus cailleadh é in ospidéal in Atlanta, Georgia ar Lá Nollag 2006. Bhí sé 73 bliain d'aois. Duine de na ceoltóirí is tábhachtaí san 20ú haois a bhí ann. Is seisean a chuir tús leis an seánra ceoil sin, Func agus is mórphearsa é i stair cheoil agus damhsa móréilimh an 20ú céad. Is minic a dtugtar “Ceannródaí an Soul“ air.^[2] Bhí tionchar suntasach aige ar fhorbairt roinnt mhaith seánra ceoil éagsúla agus é ag cur faoin i ngairm a mhair timpeall seasca bliain.^[3]

Nuair a cuireadh tús lena ghairm sa cheol b’amhránaí cheoil soiscéalach é in Toccoa, Georgia. Chuaigh sé leis an ngrúpa canta ghutaigh R&B, the Gospel Starlighters (an grúpa óna bhforbraíodh na  Flames), grúpa ina raibh ról an phríomhamhránaithe aige^[4][5] Tharraingíodh aird an phobail air den chéad uair déanach sna 1950idí agus é ina bhall den ghrúpa amhránaithe The Famous Flames leis na bailéid a raibh an-ráchairt orthu "Please, Please, Please" agus "Try Me", agus tharraing sé teist taibheora beo dochloíte agus é ar stáitse leis na Famous Flames agus lena bhanna tacaíochta, arna tugadh the James Brown Band nó the James Brown Orchestra d’uaireanta. Bhain sé buaicphointe a ghairm amach sna 1960idí nuair a d’eisíodh an albam beo Live at the Apollo agus cnagshingilí dála "Papa's Got a Brand New Bag", "I Got You (I Feel Good)" and "It's a Man's Man's Man's World". Le linn an chuid ba dheireanaí de na 1960idí scair sé ó na foirmeacha ceoil a d’eascair go leanúnach ó na blues agus an ceol soiscéalach agus chuaigh sé le cur chuige "Africanized" amach is amach, ó thaobh an cumtha ceoil de, gníomh a d’fhág tionchar mór ar fhorbairt an cheoil func.^[6] Faoi dheireadh chéad leath de na 1970idí, bhí fuaim lánfhorbartha an cheoil func leagtha amach ag Brown nuair a bhunaigh sé na J.B.s agus tá an fhuaim seo le cloisteáil i gceirníní dála "Get Up (I Feel Like Being a) Sex Machine" agus "The Payback". Tugadh aird air, freisin, as amhráin a raibh  tráchtaireacht shóisialta iontu a chumadh, lena n-áirítear an chnagshingil "Say It Loud – I'm Black and I'm Proud “ in 1968. Lean Brown ar aghaidh ag casadh ceol ar stáitse agus ag taifeadadh ceol go dtí go bhfuair sé bás ó chliseadh plúchtach croí in 2006.