Hipearnasc

léirítear hipearnasc ar an Vicipéid le cló gorm, ach gan líne faoi !

Is éard is hipearnasc (nó nasc) ann ná tagairt ar leathanach gréasáin do phíosa eolais eile. Nuair a chliceáiltear ar hipearnasc, osclaítear an píosa eolais eile i bhfuinneog nua nó thar an leathanach a bhí á léamh agat.

Déanann hipearnasc tagairt don URL don phíosa eolais sin. Go hiondúil léirítear hipearnasc i mbealach ar leith ar an leathanach gréasáin ionas go n-aithneoidh an léitheoir gur hipearnasc atá ann.

Mar shampla, cuirtear líne faoi fhocal nó úsáidtear dath nó pictiúr ar leith. Is minic a bhíonn roghchlár ag láithreán gréasáin in áit faoi leith ar gach leathanach ionas go mbeidh sé éasca ag an úsáideoir nascleanúint a dhéanamh tríd an láithreán.

Go hiondúil, léirítear hipearnasc ar an Vicipéid le cló gorm (gan líne faoi).