Hans Vredeman de Vries
  | |
| Beathaisnéis | |
|---|---|
| Breith | 1527 Ljouwert |
| Bás | 1607 79/80 bliana d'aois Hamburg, is cosúil |
| Teanga dhúchais | an Ollainnis |
| Gníomhaíocht | |
| Gairm | péintéir, ealaíontóir grafach, innealtóir, dearthóir, ailtire tírdhreacha, ailtire, innealtóir comhraic, amharcealaíontóir |
| Mac/iníon léinn | Paul Vredeman de Vries, Isaak van den Blocke agus Hendrik van Steenwijk I |
| Teangacha | An Ollainnis |
| Saothar | |
Saothar suntasach | |
| Teaghlach | |
| Páiste | Paul Vredeman de Vries, Salomon Vredeman de Vries, Jacob Vredeman |
| Siblín | Sebastiaen Vredeman |
Gradam a fuarthas
| |
Ailtire, péintéir agus innealtóir Ollannach de chuid na hAthbheochana ba ea Hans Vredeman de Vries (1527 – c. 1607). Tá iomrá air de bharr leabhair leis faoi dhearadh gairdíní a foilsíodh i 1583 agus leabhar eile faoi mhaisiú (1565) agus faoi pheirspictíocht (1604).
Beatha
[cuir in eagar | athraigh foinse]
Rugadh Vredeman de Vries in Leeuwarden agus tógadh san Fhreaslainn é. I 1546 chuaigh sé chun Amstardam agus chun Kampen. I 1549 d’aistrigh sé cónaí go dtí Mechelen, mar a raibh an Chúirt Uachtarach ina suí. Bhí a dheartháir Debastien ina orgánaí san eaglais ann.
Dhear Vredeman de Vries ornáidí do mhórshiúlta de chuid Shéarlas V, an tImpire Naofa Rómhánach, agus Philib II na Spáinne. Rinne sé staidéar ar Vitruvius agus ar Sebastiano Serlio agus tháinig clú idirnáisiúnta air mar eolaí ar pheirspictíocht. Bhain sé Antuairp amach, mar ar ceapadh é mar ailtire na cathrach agus mar innealtóir daingnithe. D’éalaigh sé tar éis 1585 mar gur shealbhaigh na Spáinnigh an chathair agus gur ordaíodh do Phrotastúnaigh í a fhágáil i gceann dhá bhliain.
D’aistrigh Vredeman de Vries cónaí go dtí Frankfurt agus chuaigh i gceann oibre in Wolfenbüttel, mar ar dhear sé daingean agus leagan amach nua don chathair ar son Julius, Duke of Brunswick-Lüneburg. Cuireadh an tionscadal ar ceal tar éis bhás an Diúic agus chuaigh sé ag obair in Hamburg, in Danzig (1592), i bPrág (1596) agus in Amstardam (1600). Thagadh Hendrick Aerts agus a mhac féin Paul, beirt phéintéirí, ina chuideachta. Péintéir freisin ba a mhac eile Salomon.
Thug Vredeman de Vries iarracht ar phost a fháil in Ollscoil Leiden i 1604. Níl áit ná am a bháis ar eolas againn, ach tá tuairisc ar a mhac Paul a bheith in Hamburg nuair a thit an oidhreacht air.
Tagairtí
[cuir in eagar | athraigh foinse]- “Vredeman de Vries, Hans”: Ciclipéid Winkler Prins, eagrán 8, 1975
- Lombaerde, Piet (2005). Hans Vredeman de Vries and the "Artes Mechanicae" revisited. Brepols
Naisc sheachtracha
[cuir in eagar | athraigh foinse]- Suíomh Architectura ag an Centre d'études supérieures de la Renaissance in Tours (An Fhrainc) Curtha i gcartlann 2016-03-05 ar an Wayback Machine
- Ollscoil Delft faoi Vredeman de Vries Curtha i gcartlann 2007-04-12 ar an Wayback Machine
- University of Heidelberg 28 prionta ó "Pictores, statuarii, architecti, latomi, et quicunque principum magnificorumque virorum memoriae aeternae inservitis, adeste" (1620)
- Maisiú le Vredeman de Vries in iarsmalann in Schleswig-Holstein Curtha i gcartlann 2011-05-18 ar an Wayback Machine
- Hans Vredeman de Vries in Artcyclopedia
- Vermeer and The Delft School, catalóg ón Metropolitan Museum of Art agus eolas inti ar Hans Vredeman de Vries