Eyvind Johnson

Eyvind Johnson
8. suíochán 11 d’Acadamh na Sualainne Nollaig 20, 1957 - Lúnasa 25, 1976 ← Nils Ahnlund - Ulf Linde →
Saol
Ainm iomlán	Eyvind Olov Verner Johnson
Eolas breithe	Boden (en) , Iúil 29, 1900
Náisiúntacht	An tSualainn
Grúpa eitneach	Sualannaigh
Bás	Stócólm, Lúnasa 25, 1976
Áit adhlactha	Skogskyrkogården (en)
Muintir
Céile/Céilí	Cilla Johnson Aase Christoffersen (en)
Páistí	liosta iomláin Maria Ekman Tore Johnson
Oideachas
Teangacha	An tSualainnis
Gairm
Gairm	aistritheoir, ailtire, úrscéalaí, iriseoir, scríbhneoir, file agus stiúrthóir scannán
Duais	liosta iomláin Duais Nobel sa Litríocht  (1974) Nordic Council's Literature Prize  (1962) Dobloug Prize  (1951) Dobloug Prize  (1960) Samfundet De Nio's Grand Prize  (1936) Östersunds-Postens litterature price  (1960)
Ainmníodh é/í le haghaidh	liosta iomláin Duais Nobel sa Litríocht (1962) Duais Nobel sa Litríocht (1963) Duais Nobel sa Litríocht (1964) Duais Nobel sa Litríocht (1965)
Ballraíocht	Swedish Academy (en)
Gluaiseacht ealaíne	proletarian literature (en)
IMDb	nm0425083

Scríbhneoir agus aistritheoir Sualannach ab ea Eyvind Johnson (1900 - 1976), nó Olof Edvin Verner Jonsson mar atá a ainm scríofa ar a theastas breithe. Rugadh é ar an 29 Iúil 1900 i Svartbjörnsbyn, gar do Bhoden sa tSualainn. Fuair sé bás ar an 25 Lúnasa 1976 i Stócólm sa tír chéanna.

Bronnadh Duais Nobel sa Litríocht air sa bhliain 1974, chomh maith leis an scríbhneoir Harry Martinson. Ábhar conspóide ab ea go bhfuair na fir sin an duais, toisc go raibh siad ina mbaill d'Acadamh na Sualainne, an t-acadamh céanna a bhronnann an gradam, agus Vladimir Nabokov, Saul Bellow, Graham Greene agus Jorge Luis Borges ina n-iarrthóirí don duais an bhliain sin.

Scríbhneoir prólatáireach ab ea Johnson. Bhí sé ina cheannródaí don nua-aoiseachas ina chuid scríbhinní. Tháinig an chéad saothar óna pheann i gcló sa bhliain 1924, agus rinne sé a bhriseadh mór leis an tsraith úrscéalta dírbheathaisnéiseacha úd Romanen om Olof ("An tÚrscéal faoi Olof") sna tríochaidí: Nu var det 1914 ("An bliain 1914 a bhí ann anois", 1934), Här har du ditt liv ("Seo duit do bheatha féin", 1935), Se dig inte om ("Ná caith súil i do thimpeall", 1936) agus Slutspel i ungdomen ("Cluiche deiridh na hóige", 1937).