Dúnmharú David Byrne
| ||||
| ||||
| Cineál | dúnmharú ionsaí lámhaigh  | |||
|---|---|---|---|---|
| Cuid de | Hutch–Kinahan feud (en)  | |||
| Dáta na bliana | 5 Feabhra 2016 | |||
| Suíomh | Sord, Éire | |||
| Tír | Éire | |||
| Íospartach | David Byrne (Irish criminal) (en) | |||
| Líon básanna | 1 | |||
| Líon gortaithe | 2 | |||
| Arm | Pistol Mitralieră model 1963/1965 (en) | |||
Dúnmharaíodh David Byrne, 33, in Óstán an Regency (an Bonnington Hotel inniu) i mBaile Átha Cliath ar an 5 Feabhra 2016. Bhí comórtas dornálaíochta ar siúl san óstán ag an am. Achrann idir buíonta coirpeacha ba chúis lena bhás.[1][2] Sna míonna ina dhiaidh sin, bhí seisear fear eile maraithe san easaontas idir dhá bhuíon coirpeach, Hutch agus Kinahan, sa chathair.[3]
Cúlra
[cuir in eagar | athraigh foinse]Duine de bhuíon coirpeach Kinahan ab ea Byrne. Maraíodh é le teann díoltais faoi mharú Gary Hutch - nia le Gerry Hutch - sa Spáinn cúpla mí roimhe sin.
Bhain an dúnmharú le himreas idir dhronga coireachta Hutch agus Kinahan ar maraíodh timpeall ocht nduine dhéag dá bharr idir 2016-2019.
An t-ionsaí
[cuir in eagar | athraigh foinse]Dúnmharaíodh Byrne nuair a réab daoine in éide garda isteach in óstán an Regency i nDroim Conrach [2] Lámhachadh an coirpeach David Byrne, 33, i bhforsheomra fáiltithe an óstáin. Chaith drong coiriúil, muintir Hutch, é le linn seisiúin meá roimh bhabhta dornálaíochta san Óstán.[4] is ar luas lasrach a tharla gach rud san óstán an lá úd.
Bhí gardaí ar an láthair i bhfoisceacht 5 nóiméad d'am an ionsaithe. Ar dtús, dúirt an grúpa easaontóirí poblachtacha, An tIRA Leanúnach gurb é a bhí freagrach as an ionsaí, rud nach raibh fíor.[5]
Bhí an dream Hutch ag iarraidh Daniel Kinahan a mharú san óstán. Is é Daniel Kinahan ceannaire na buíne coirpeach a bhunaigh a athair Christopher.[6] Ach d'fhág sé an Regency 30 nóiméad roimh an ionsaí.
Imeachtaí cúirte
[cuir in eagar | athraigh foinse]Cúisíodh Patrick Hutch, 24 bliain d'aois, maidir le dúnmharú David Byrne sa bhliain 2016.[3] Shéan sé go raibh 3 raidhfil ina sheilbh, a d'úsáideadh san ionsaí.[7][8] Saoradh ó gach cúis é sa bhliain 2019.[9][10][11]
Ar 17 Deireadh Fómhair 2022, sa Chúirt Choiriúil Speisialta, gearradh téarma príosúin cheithre bliana ar Jonathan Dowdall a d'admhaigh gur chuidigh sé le drong Hutch Byrne a dhúnmharú.
Ar 18 Deireadh Fómhair 2022, phléadáil Gerry Hutch, 59, uncail Patrick Hutch agus an fear dá ngairtear "The Monk" - neamhchiontach i ndúnmharú Byrne. Bhí sé á mhaíomh ag an ionchúiseamh go raibh sé ar dhuine de bheirt a bhí gléasta mar Ghardaí Shéan sé nach ndúirt sé le Dowdall go ndearna sé an dúnmharú. Mhaíodh gur bhuail sé le Dowdall i bpáirc i bhFionnbhrú i ndiaidh an mharaithe agus go ndúirt sé leis go raibh sé "ar dhuine den fhoireann" a lámhaigh David Byrne.[12]
Ar 18 Aibreán 2023,, fuarthas neamhchiontach Gerry Hutch i ndúnmharú. Dúirt na breithiúna cé gur thug cuid den fhianaise sa triail le tuiscint go mb'fhéidir gur thug Gerard Hutch a bheannacht don ionsaí lámhaigh, nárbh in le rá go raibh sé féin ar an mball ná páirteach ann go pearsanta.[13]
.jpg)
Fuarthas ciontach Jason Bonney, tógálaí 51 bliain ag an am, agus Paul Murphy, tiománaí tacsaí 61 bliain - gur chuidigh siad le drong Hutch an dúnmharú a dhéanamh nuair a chuir siad gluaisteáin ar fáil do na marfóirí. Bhí Murphy ar dhuine de na daoine a thug an dream a mharaigh Byrne ón láthair go gairid i ndiaidh an ionsaithe.x
An t-ostán
[cuir in eagar | athraigh foinse]Cuireadh go leor imeachtaí ar ceal sa Regency trí réalt i ndiaidh dhúnmharú Byrne. Rinne an t-úinéir James McGettigan, iarratas sa chúirt sa bhliain 2016 ar chomhlacht árachais an óstáin Aviva slánaíocht a thabhair t don Regency in éadan caillteanas gnó.[14] Athraíodh an t-ainm sa bhliain 2017, ag éirí an Óstán Bonnington.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ Raidió na Gaeltachta (Aib 2023). "Joe Tiernan, Údar agus tráchtaire ar chúrsaí coiriúlachta." (en). RTE Radio. Dáta rochtana: 2023-04-18.
- ↑ 2.0 2.1 Nuacht RTÉ (2016-02-23). "Dian chuardach mar chuid de fhiosrúchán dúnmharaithe David Byrne" (as ga).
- ↑ 3.0 3.1 Nuacht RTÉ (2016-05-31). "Beirt fhear gafa maidir le dúnmharú David Byrne sa Regency" (as ga).
- ↑ Paul Healy (2022-10-19). "CCTV of moment David Byrne was shot dead played in court at Monk murder trial" (en). Irish Mirror. Dáta rochtana: 2023-04-18.
- ↑ Nuacht RTÉ (2016-02-08). "Easaontóirí poblachtacha freagrach as ionsaí sa Regency" (as ga).
- ↑ Nuacht RTÉ (2021-04-20). "Barántas gabhála Eorpach eisithe i gcomhair Gerard Hutch" (as ga).
- ↑ Nuacht RTÉ (2018-02-22). "Triail Patrick Hutch curtha ar athló" (as ga).
- ↑ Paul Reynolds (2018-02-22). "Hutch trial adjourned to allow for garda death inquiry" (as en).
- ↑ Nuacht RTÉ (2016-09-06). "Fear os comhair cúirte i mBéal Feirste" (as ga).
- ↑ Vivienne Traynor (2019-02-20). "Charges dropped against Regency Hotel murder accused" (as en).
- ↑ Nuacht RTÉ (2016-09-14). "Láithreacha cuardaithe ag Gardaí agus ag póilíní ón Spáinn" (as ga).
- ↑ Nuacht RTÉ (2022-10-18). "Gerard Hutch ag pléadáil neamhchiontach i ndúnmharú David Byrne" (as ga).
- ↑ Nuacht RTÉ (2023-04-17). "Hutch faighte neamhchiontach i ndúnmharú David Byrne" (as ga).
- ↑ Nuacht RTÉ (2016-03-22). "Óstán an Regency i mbaol" (as ga).