Ciníochas
.jpg)
Is é atá i gceist le ciníochas ná smaoineamh nó claontacht a deir gur fearr ciníocha áirithe ná cinn eile.
Is féidir leis an gciníochas seo a bheith bunaithe ar dhlíthe tíre ar nós an chórais apairtéid a bhí san Afraic Theas nó feiniméan leanúnach i measc phobail ar nós an fhrith-Ghiúdachais a bhí mar chúl taca don Uileloscadh le linn an Dara Cogadh Domhanda.
Reáchtáiltear Lá Idirnáisiúnta um Idirdhealú Ciníoch a Dhíothú ar an 21 Márta.
Inimirce
[cuir in eagar | athraigh foinse]Brú eacnamaíochta agus easpa a chuireann daoine réasúnacha i dtreo an fhuatha agus an naimhdis.[1] Tá manaí na heite deise le cloisteáil timpeall an domhain – cén fáth go mbeadh ár gcuid acmhainní á roinnt le heachtrannaigh nuair nach bhfuil ár ndóthain againn féin?[2] Ach is léir na buntáistí eacnamaíocha a bhaineann leis an inimirce ó thaobh na maicreacnamaíochta de [3][4]
Ionsaithe ciníocha
[cuir in eagar | athraigh foinse]- D'fheallmharaigh James Earl Ray an gníomhaí polaitiúil, Martin Luther King, ar an 4 Aibreán 1968 i Memphis, Tennessee.
- Na dlíthe Jim Crow sna Stáit Aontaithe, a bhí léirithe go príomha i ndeisceart na Stát Aontaithe, a chuir isteach ar na Meiriceánaigh Afracacha, na Meiriceánaigh Dúchasacha srl.
- Dúnmharú George Floyd
- Uileloscadh
- Apartheid san Afraic Theas. I ré na cinedheighilte, bhí muintir na hAfraice Theas deighilte ina gceithre chine, mar atá, na Bána, na Gormaigh, na Daiteánaigh agus na hIndiaigh, agus na dreamanna seo á gcoinneáil scartha scoite ó chéile
Ciníochas in Éirinn
[cuir in eagar | athraigh foinse]Rinne comhlacht neamhspleách Pivotal taighde thar ceann an Choimisiúin Comhionannais Thuaisceart Éireann féachaint le faisnéis bheacht a fháil faoin gceist ‘Tionchar an Bhreatimeachta ar Mhionlaigh Eitneacha agus Inimircigh i dTuaisceart Éireann’. Scrúdaíodh fíorthaithí agus braistint na ndaoine chomh maith leis na torthaí shocheacnamaíocha a bhí agus a bheidh ag an mBreatimeacht ar na mionlaigh sin abhus.[5][6][7] D’airigh go leor gur thug Breatimeacht ugach do dhaoine chun naimhdeas d’inimircigh a nochtadh.
Bhí méadú ar eachtraí fuatha in aghaidh dhaoine ón Áise ó 2016, bliain an reifrinn a ghlac leis an mBreatimeacht agus ardú go ginearálta ar mhaslú nó ionsaí ar inimircigh/ Ina theannta sin ar fad bhí daoine míshuaimhneach, imníoch faoina stádas i ré an Bhreatimeachta.
Tagairtí
[cuir in eagar | athraigh foinse]- ↑ Máirín Ní Ghadhra (6 Meán Fómhair 2024). "Tá sé in am anailís cheart a dhéanamh ar na cúiseanna leis an gciníochas" (ga-IE). Tuairisc.ie. Dáta rochtana: 2024-09-07.
- ↑ "New ESRI research finds that attitudes towards immigration and refugees remain largely positive in Ireland despite some recent declines | ESRI" (en). www.esri.ie (2024-03-22). Dáta rochtana: 2024-09-07.
- ↑ Andrew Thurston (2024-04-08). "Do Immigrants and Immigration Help the Economy?" (en). Boston University. Dáta rochtana: 2024-09-07.
- ↑ IMF / Philipp Engler, Margaux MacDonald, Roberto Piazza, Galen Sher (2023). "The Macroeconomic Effects of Large Immigration Waves". Dáta rochtana: 2024.
- ↑ equalityni.org Equality Commission for Northern Ireland (2023). "IMPACT OF BREXIT ON MINORITY ETHNIC AND MIGRANT PEOPLE IN NORTHERN IRELAND". Dáta rochtana: 2023.
- ↑ Paul Ainsworth (2023-06-07). "Ethnic minorities believe racism in NI has risen since Brexit, report finds" (en). The Irish News. Dáta rochtana: 2023-06-12.
- ↑ "Racism ‘part of daily life’ in Northern Ireland after Brexit" (en). Irish Legal News (2023-06-08). Dáta rochtana: 2023-06-12.