Caitriona Balfe

Caitriona Balfe

Ainm sa teanga dhúchais	(ga) Caitríona Balfe
Beathaisnéis
Breith	4 Deireadh Fómhair 1979 45 bliana d'aois Baile Átha Cliath, Éire
Faisnéis phearsanta
Scoil a d'fhreastail sé/sí	Institiúid Teicneolaíochta Bhaile Átha Cliath
Teanga dhúchais	Béarla
Airde	178 cm
Dath súile	Gorm
Dathán gruaige	Gruaig dhonn
Gníomhaíocht
Réimse oibre	Aisteoireacht scannáin
Gairm	aisteoir (2009–), mainicín (1998–2008), léiritheoir scannáin
Tréimhse oibre	1998 –
Teangacha	Béarla, an Ghaeilge agus an Fhraincis
Gníomhaire	Modelwerk (en) , IMG Models (en) agus Elite Model Management
Gradam a fuarthas (2017)  Satellite Award for Best Cast – Television Series (en) , as a saothar Outlander (2016)  Saturn Award for Best Actress on Television (en) , as a saothar Outlander (2015)  Saturn Award for Best Actress on Television (en) , as a saothar Outlander

Ban-aisteoir agus mainicín Éireannach is ea Caitríona Balfe, a rugadh ar 4 Deireadh Fómhair 1979 i mBaile Átha Cliath. Aithníonn an saol mhór í go háirithe de bharr a ról mar Claire Fraser sa tsraith Starz úd Outlander, ról a bhuaigh Gradam People's Choice di faoi dhó agus dhá cheann de na Gradaim Saturn. Ainmníodh í faoi dhó do Ghradam Golden Globe mar "bhanaisteoir is fearr".

Tógadh Caitriona i dTigh Damhnata, i gContae Mhuineacháin. Tá Gaeilge líofa aici. Sa bhliain 1999, agus í ag déanamh staidéir i dTeach an Cheoil agus Dráma in Institiúid Teicneolaíochta Bhaile Átha Cliath, tairgeadh post mainicíneachta di i bPáras. Chaith sí deich mbliana ag déanamh feachtas fógraíochta agus ag obair ar rúidbhealaigh sular iompaigh sí ar ais ar an aisteoireacht.

Mainicíneacht

Thug scabhta ó ghníomhaireacht mainicíneachta Balfe faoi deara agus í ag bailiú airgid ar son carthanachta taobh amuigh de shiopalann i mBaile Átha Cliath. Chuaigh sí leis an obair sin go lánaimseartha. Sna blianta 2002 agus 2003, thuill sí $300,000 nach mór ag obair mar mhainicín in Milano, san Iodáil, ach chuaigh an ghníomhaireacht bancbhriste agus ní bhfuair sí an t-airgead. Tharla rud cosúil leis sin arís sa bhliain 2009. (Mar gheall ar a leithéid bunaíodh an Model Alliance.)

Ag smaoineamh ar an seal a chaith sí ag mainicíneacht, dúirt Balfe “Modeling wasn't a passion of mine so that made it get old kind of quickly. I was getting very frustrated.” Deir sí nach rachadh sí ar ais chuig an cheird sin go lánaimseartha.

Aisteoireacht

Chuaigh Balfe go Cathair Nua-Eabhrac mar a raibh mionpháirt aici sa scannán úd The Devil Wears Prada. Ansin chuaigh sí go Los Angeles agus rinne sí staidéar ar an aisteoireacht.