Crá (scéinséir TG4)
| CRÁ | |
|---|---|
| Seánra | coirdhrámaíocht |
| Tír | Éire |
| Bunteanga | an Ghaeilge |
| Bealach teilifíse | TG4 |
| An chéad eipeasóid | 11 Samhain 2024 |
| Líon eipeasóidí | 6 |
| Tuilleadh eolais | |
 
 | |
Sraith teilifíse Ghaeilge a bhaineann le fiosrúchán dúnmharaithe é Crá a craoladh ar TG4 ón Luan 11 Samhain 2024. Tháinig Crá i gcomharbacht ar shaothair amhail Doineann (2021), Corp + Anam (2011-2014) agus An Bronntanas (2014),[1]
Scéal
[cuir in eagar | athraigh foinse]Cuirtear tús le fiosrúchán dúnmharaithe nuair a aimsítear corp mháthair an Gharda áitiúil, Conall Ó Súilleabháin (Dónall Ó Héalaí agus éiríonn le Ó Héalaí canúint Uladh a thabhairt leis go paiteanta). Tá cosc iomlán ar Chonall páirt a ghlacadh san fhiosrúchán ach níl baol air fanacht glan ar an gcás.
Socraíonn iriseoir óg, Ciara-Kate (Hannah Brady), podchraoladh faoin gcás a thosú agus tugann Conall faoi deara go bhfuil Ciara-Kate in ann eolas a fháil ó dhaoine nach bhfuil sásta labhairt leis na Gardaí.
Más mian le Conall an chóir a éileamh beidh air dul i mbun oibre leis an iriseoir seo. Ní fada go bhfaightear amach go bhfuil aistear gruama i ndán don bheirt acu.[2]
Léiriú
[cuir in eagar | athraigh foinse]Bhí Fíbín Films taobh thiar den tsraith choiriúlachta Crá.[3]
Léirmheastóireacht
[cuir in eagar | athraigh foinse]Luaigh léirmheastóir Y Cymro na radharcanna de mhachairí Thír Chonaill, de mhullach na hEaragaile, agus de thonnta fiáine an Atlantaigh ar suáilcí na sraithe, mar aon leis an dteanga álainn. Tá comharthaí sóirt uilig an dráma bleachtaireachta ann le smut den ghreann dubh, a deir sé, ach shíl sé gnéithe de a bheith amaitéarach. Chuir cuid de na fo-aisteoirí drámaí luatha S4C i gcuimhne dó, ach is deacair na súile a thógáil de na príomhaisteoirí, dar leis. Bhain sé sult as an sraith agus mhol sé do dhaoine gan Ghaeilge é a thriail leis na fotheidil Béarla ar sheinnteoir TG4 nó BBC TÉ.[4]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ Breandán M Mac Gearailt (14 Samhain 2024). "Ó Héalaí a dhéanann saothar stuifiúil de dhráma nua TG4". Tuairisc.ie. Dáta rochtana: 2024-11-16.
- ↑ "Filí agus Ceannródaithe, Ceol agus Dúnmharuithe, Stíl agus Inbhuanaitheacht i measc na dtéamaí i Sceideal Fómhair TG4 2024 | Preas Ráiteas". TG4. Dáta rochtana: 2024-11-16.
- ↑ Maitiú Ó Coimín (13 Samhain 2024). "Deireadh á chur leis an gcomhlacht amharclannaíochta Fíbín". Tuairisc.ie. Dáta rochtana: 2024-11-13.
- ↑ Dylan Wyn Williams (Eanáir 2026). "Ar y cyfryngau" (as Breatnais). Y Cymro: lch 15.