Buamáil Manchester Arena (2017)

Ón Vicipéid, an chiclipéid shaor.
Jump to navigation Jump to search
cuimhneacháin

Ar an 22 Bealtaine 2017, phléasc buama i bhforhalla an Arena i Manchain, Sasana.

Salman Abedi ( 22 bliain d'aois) de bhunadh na Libia, ach a rugadh agus a tógadh i Sasana, an té a rinne an t-ionsaí buamála sa chathair.[1]

St Ann's Square tributes and memorials, Manchester, May 2017 (31).JPG

Tá an Manchester Arena ar an ionad siamsaíochta faoi dhíon is mó sa chathair agus slí ann do 21,000 duine. Bhí ceolchoirm Ariana Grande ar siúl. Maraíodh 23, Abedi san áireamh, agus gortaíodh breis is 250, ar an ionsaí is marfaí sa Bhreatain ó maraíodh 52 duine sa chóras iompair phoiblí i Londain i mí Iúil 2005 (Buamáil 7/7 i Londain).

Bhí go leor páistí i measc lucht féachana na ceolchoirme, agus bhí na scórtha tuismitheoirí cráite ag lorg a bpáistí agus ag impí eolais ar an bpobal trí na meáin shóisialta.[2]

Mhaígh an eagraíocht a dtugann Stát Ioslamach orthu féin gurbh iad a bhí freagrach as an ionsaí. Bhí Abedi ag gníomhnú mar chuid de ghreasán, seachas ina aonar.[3]

Bhí an feachtas olltoghcháin ag an am curtha ar atráth ag na páirtithe polaitíochta sa Bhreatain de bharr an ionsaithe.

Féach freisin[cuir in eagar | athraigh foinse]

Tagairtí[cuir in eagar | athraigh foinse]