Anton Graff

Anton Graff
Féinphortráid 1805/06
Dáta breithe	18 Samhain, 1736
Dáta báis	22 Meitheamh 1813
Náisiúntacht	Eilvéiseach
Gairm	Portráidí

Bhí Anton Graff ina phortráidí oirirc Eilvéiseach (rugadh 18 Samhain 1736, fuair bás 22 Meitheamh 1813) agus ba é an portráidí ba thábhachtaí de chuid an ama sin. Tháinig thart ar 2,000 dá chuid saothar slán.

Saol

Ba mhac é le Hans Ullrich Graff a bhí ina cheardaí agus Barbara Graff geb. Koller. Rugadh é san Eilvéis i gcathair Winterthur. Rinne sé staidéar ar phéintéireacht sa scoil ealaíne logánta (Gearmáinis: die Zeichenschule) faoi Johann Ulrich Schellenberg. Ina dhiaidh sin chaith sé bliain mar phrintíseach i gcathair Augsburg. Dhírigh sé ar phéintéireacht na bportráidí den chuid is mó.